ہیڈلائنز


عزیربلوچ کی حوالگی، ٹیم کے 2ارکان دبئی پہنچ گئے

Written by | روزنامہ بشارت

لیاری: گینگ وار کے سرغنہ عزیر بلوچ کی حوالگی کیلئے دو رکنی پاکستانی ٹیم دبئی پہنچ گئی۔

دبئی جانے والوں میں ٹیم کے سربراہ ایس ایس پی نوید خواجہ اور رینجرز کا میجر رینک کا افسر شامل ہے، ٹیم کے دونوں ارکان پی کے چھ سوسات سے شام ساڑھے سات بجے روانہ ہوئے۔

ٹیم کے مزید ارکان ایس ایس پی سی آئی ڈی عثمان باجوہ اور ڈی ایس پی زاہد حسین ہفتے کو دبئی روانہ ہوں گے، ذرائع کا یہ بھی کہنا ہے کہ ہفتے کے روز جانے والی ٹیم کے ہمراہ ایف آئی اے کے افسر بھی شامل ہوں گے، عدالتی چارہ جوئی اور دیگر قانونی مراحل میں مزید کئی دن لگیں گے، بدھ یا جمعرات تک ملزم کو پاکستان کے حوالے کیا جا سکتا ہے۔

یاد رہے کہ 29دسمبر 2014 کو عزیر بلوچ کو مسقط سے دبئی پہنچنے پر انٹر پول کی جانب سے گرفتارکیا گیا تھا۔

عزیر بلوچ 2013 میں حکومت کی جانب سے ٹارگٹ کلرز اور جرائم پیشہ افراد کے خلاف آپریشن شروع ہونے پر بیرون ملک فرار ہوئے تھے،جس کے بعد ملک سے فرار ہونے پر پاکستانی حکومت نے عزیر بلوچ کے ریڈ وارنٹ جاری کردیئے تھے۔

عزیر بلوچ پولیس اور رینجرز اہلکاروں کے قتل ، اقدام قتل، اغوا برائے تاوان، بھتہ خوری اور سو سے زائد دیگر سنگین جرائم کی وارداتوں میں ملوث ہے۔

Sunny

6°C

اسلام آباد

Sunny
Humidity: 74%
Wind: NNW at 11.27 km/h
Friday 4°C / 13°C Sunny
Saturday 5°C / 13°C Sunny
Sunday 7°C / 16°C Partly cloudy
Monday 10°C / 18°C Mostly cloudy
Tuesday 13°C / 17°C Sunny
Wednesday 9°C / 17°C Sunny
Thursday 9°C / 17°C Sunny

تازہ ترین خبریں

کالم / بلاگ