ہیڈلائنز


پاکستان میں مقیم افغان مہاجرین کو واپس بھیجنے کیلئے بڑے آپریشن کی تیاری مکمل

Written by | روزنامہ بشارت

اسلام آباد: وفاقی حکومت نے پاکستان میں مقیم افغان مہاجرین کی مرحلہ وار وطن واپسی کا فیصلہ کرلیا، ذرائع کے مطابق رجسٹرڈ اور غیر رجسٹرڈ افغان مہاجرین کو مرحلہ وار واپس بھیجا جائے گا۔ ذرائع کے مطابق وزارت داخلہ کی جانب سے پاکستان میں مقیم رجسٹرڈ اور غیر رجسٹرڈ افغان مہاجرین کو واپسی کیلئے بڑے آپریشن کی تیاری مکمل کرلی گئی ہے، وزیراعظم میاں محمد نواز شریف کی جانب سے منظوری ملنے پر رجسٹرڈ اور غیر رجسٹرڈ افغان مہاجرین کو واپس بھیجنے کیلئے مرحلہ وار آپریشن شروع کیا جائے گا۔ وزارت داخلہ کی جانب سے افغان مہاجرین کی وطن واپسی کیلئے سفارشات وزیراعظم کو ارسال کردی گئی ہیں، پہلے مرحلے میں غیر رجسٹرڈ اور دوسرے میں رجسٹرڈ مہاجرین کو واپس بھیجا جائیگا، وزیراعظم کی منظوری کے بعد وسیع پیمانے پر آپریشن کو فوری طور پر شروع کیا جائیگا، ذرائع کا کہنا ہے کہ کمشنر اور ڈپٹی کمشنر آپریشن کی براہ راست نگرانی کریں گے، جب کہ آپریشن کے دوران پاک افغان سرحد پر نگرانی کا نظام بھی سخت کیا جائے گا۔ واضح رہے کہ وزارت داخلہ کی جانب سے ملک میں پھیلے افغان مہاجرین اور ان کی غیر قانونی بستیوں کیخلاف ایکشن کا اعلان کیا گیا، وزارت داخلہ کے مطابق تمام ملک میں پھیلے رجسٹرڈ اور غیر رجسٹرڈ افغان مہاجرین کو ان کے کیمپوں تک محدود کیا جائے گا۔

Clear

10°C

اسلام آباد

Clear
Humidity: 63%
Wind: NNW at 11.27 km/h
Wednesday 10°C / 19°C Sunny
Thursday 10°C / 18°C Partly cloudy
Friday 11°C / 20°C Partly cloudy
Saturday 12°C / 20°C Sunny
Sunday 12°C / 18°C Sunny
Monday 11°C / 16°C Partly cloudy
Tuesday 12°C / 16°C Sunny

تازہ ترین خبریں

کالم / بلاگ