ہیڈلائنز


جوڈیشل کمیشن کے قیام کیلئے ایک ہفتے میں آرڈیننس جاری کیا جاسکتا ہے، اسحاق ڈار

Written by | روزنامہ بشارت

اسلام آباد: وفاقی وزیر خزانہ اور مسلم لیگ (ن) کے سینئر رہنما اسحاق ڈار نے کہا ہے کہ تحریک انصاف سے صرف 3 نکات پر اختلاف ہے جو ایسے نہیں كہ ان کا حل نہ نكالا جاسكے۔ تحریک انصاف کے رہنما جہانگیر ترین سے اسلام آباد میں ان کی رہائش گاہ پر ملاقات کے بعد میڈیا سے بات کرتے ہوئے اسحاق ڈار نے کہا کہ تحریک انصاف كے خط كا جواب دے دیا، دونوں جماعتوں كے درمیان زیادہ اختلافات نہیں، صرف 3 نكات پر اختلاف ہے جو ایسے نہیں كہ ان کا حل نہ نكالا جاسكے اور ہم پرامید ہیں کہ اب مسئلہ جلد حل ہوجائے گا۔ انہوں نے کہا کہ جہانگیر ترین كو حکومتی موقف سے آگاہ كر دیا ہے، جوڈیشل کمیشن کے قیام کے لئے نیا آرڈیننس بھی بنانے كے لئے تیار ہیں جو ایک ہفتے میں جاری كیا جاسكتا ہے۔ اس موقع پر جہانگیر ترین کا کہنا تھا کہ حكومت نے ہمارے خط كا جواب دے دیا ہے جس کا ایک دو دن میں جائزہ لیں گے، ملكی حالات اجازت نہیں دیتے كہ معاملات كو مزید لٹكایا جائے، ہم نے جتنی لچک دكھانا تھی دكھا دی لہٰذا اب اسحاق ڈار سے كہیں گے كہ وہ دل بڑا كریں۔ انہوں نے کہا کہ حکومت سے مذاكرات كو مزید آگے لے كر جائیں گے لیکن انتخابات کی جانچ ہونی چاہئے جس کے لئے جوڈیشل كمیشن كا بننا ضروری ہے اور اس حوالے سے حكومت كو آرڈیننس كے لئے 7 دن دیئے ہیں۔

Partly cloudy

24°C

اسلام آباد

Partly cloudy
Humidity: 88%
Wind: E at 17.70 km/h
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms
Saturday 21°C / 27°C Thunderstorms
Sunday 23°C / 28°C Sunny
Monday 23°C / 29°C Sunny

تازہ ترین خبریں

کالم / بلاگ