ہیڈلائنز


عمران الیکشن کمیشن میں پیش ہوں اس سے پہلے کوئی پولیس اہلکار لا کھڑا کرے

Written by | روزنامہ بشارت

اسلام آباد: اپوزیشن لیڈر خورشید شاہ کا کہنا ہےکہ عمران خان کو مشورہ ہے کہ وہ الیکشن کمیشن میں پیش ہوں اس سے پہلے کوئی پولیس اہلکار انہیں لا کھڑا کرے۔

اپنے چیمبر میں میڈیا نمائندوں سے گفتگو کرتے ہوئے خورشید شاہ نے کہا کہ ہم الیکشن ترمیمی بل کوایک شخص کا بل سمجھتے ہیں اور ہم نے اس کی مخالفت کی، پتا نہیں کیوں لوگ شور کرکے دکھاتے ہیں کہ ہم ہی سب کچھ ہیں، جو پارلیمنٹ میں نہیں آتا لوگوں کو اسے ووٹ نہیں دینا چاہیے۔

خورشید شاہ نے کہا کہ کیپٹن (ر) صفدر نے نوازشریف کے لیے نیا پنڈورا بکس کھولا ہے، ایک چیز جو طے ہوچکی ہے اس کو اب اٹھانا درست نہیں۔

اپوزیشن لیڈر نے عمران خان کے ناقابل ضمانت وارنٹ گرفتاری جاری ہونے پر انہیں مشورہ دیا کہ عمران خان آج ہی الیکشن کمیشن میں پیش ہوں، بہتر ہے عمران خان جائیں اور بتائیں کہ اداروں کا احترام کرتا ہوں، یہ نہ ہو کہ پولیس کا اہلکار انہیں پکڑ کر الیکشن کمیشن کے سامنے لا کھڑا کرے۔

 

اس سے قبل پبلک اکاؤنٹس کمیٹی کے اجلاس میں خورشید شاہ نے کے الیکٹرک پر سخت برہمی کا اظہار کرتے ہوئے کہا کہ کے الیکٹرک نے صارفین کا بیڑا ہی غرق کردیا ہے، مہینے کے آخر میں بل دیتے ہیں اورایک دن میں بل جمع کرانا ہوتا ہے۔

 

انہوں نے کہا کہ کے الیکٹرک کا بل بھرنے میں 3 دن تاخیر ہوتو بجلی کاٹ دی جاتی ہے، کے الیکٹرک ایک دن کے تاخیر پر بھاری جرمانہ لیتا ہے، یہ بل کی وصولی میں رویہ ظالمانہ ہے۔

 

Mostly cloudy

10°C

اسلام آباد

Mostly cloudy
Humidity: 64%
Wind: NNW at 11.27 km/h
Monday 10°C / 18°C Mostly cloudy
Tuesday 11°C / 20°C Partly cloudy
Wednesday 12°C / 19°C Mostly sunny
Thursday 12°C / 18°C Sunny
Friday 9°C / 17°C Sunny
Saturday 8°C / 16°C Partly cloudy
Sunday 10°C / 16°C Mostly sunny

تازہ ترین خبریں

کالم / بلاگ