ہیڈلائنز


شہر بند نہیں کرنا چاہتے لیکن نواز حکومت نے کوئی اور راستہ نہیں چھوڑا، عمران خان

Written by | روزنامہ بشارت

اسلام آباد: پاکستان تحریک انصاف کے سربراہ عمران خان کا کہنا ہے کہ ہم تشدد  کا راستہ اپنانا نہیں چاہتے ہیں، ہماری پالیسی قانون توڑنا نہیں، آج کا احتجاج پرامن بنانا چاہتے ہیں، امید ہے کراچی کا احتجاج پرامن ہوگا،انہوں نے حکومت کو  خبردار کرتے ہوئے کہا کہ ہم پر امن دھرنے اور احتجاج کے حامی ہیں تاہم  تشدد کا راستہ اپنایا گیا تو رد عمل سامنے آئے گا۔ اسلام آباد میں اپنی رہائش بنی گالہ سے کراچی روانگی  سے قبل میڈیا سے گفت گو میں عمران خان کا کہنا تھا کہ مذاکرات جہاں ختم ہوئے تھےوہیں سےشروع کیےجائیں، حکومت طےشدہ باتوں سے پیچھے ہٹ گئی تھی، 2013کےانتخابات کی تفتیش کی جائے، تفتیش کرکےمجرموں کو پکڑا جائے، جب تک تفتیش نہیں ہوگی اور مجرموں کو سزا نہیں ملے گی شفاف انتخابات ممکن نہیں ہو سکیں گے۔ کپتان  نے عام شہریوں سے معذرت کرتے ہوئے کہا کہ شہروں کوبندکرنانہیں چاہتےتھے،تاہم لوگوں سےمعذرت کرتاہوں، حکومت نے کوئی اورراستہ نہیں چھوڑا تھا، ایسا صرف حکومت پر دباؤ ڈالنے کیلئے کر رہے ہیں، مجھے انصاف نہیں ملا،پُرامن طورپر احتجاج کررہاہوں،ہم نے4ماہ سے پُرامن راستہ اختیار کیا ہوا ہے۔ عمران خان نے کہا کہ گوجرانوالہ اورجہلم میںٕ ہمارےخلاف گلوبٹ استعمال کیے، قانون ہم نہیں توڑرہے،اگرتشدد ہوا تویہ ذمہ دارہونگے، حکومت نے ہمارے مظاہرین کو برگر سمجھا، حکومت نے سونامی کو ممی ڈیڈی سجھا قرار دیا، تاہم غلط فہمی دور ہوگئی، حکمرانوں نے قانونی راستے بند کیے ہوئے ہیں، رانا ثنا اللہ غنڈا ہے، جس کے غنڈوں نے احتجاج  کے دوران تشدد کا راستہ اختیار کیا، کل پریس کانفرنس میں سارے پول کھول دیں گے،  ہم کوئی قانون نہیں توڑ رہے، قانون جب ٹوٹے گا جب ہمارے پر امن احتجاج کو خراب کیا جائے گا۔

Partly cloudy

7°C

اسلام آباد

Partly cloudy
Humidity: 78%
Wind: NW at 11.27 km/h
Saturday 5°C / 14°C Sunny
Sunday 7°C / 16°C Partly cloudy
Monday 10°C / 18°C Mostly cloudy
Tuesday 12°C / 18°C Mostly sunny
Wednesday 12°C / 17°C Sunny
Thursday 10°C / 17°C Sunny
Friday 10°C / 17°C Partly cloudy

تازہ ترین خبریں

کالم / بلاگ