ہیڈلائنز


وزیراعظم نواز شریف خود عمران خان کو لیڈر بنانا چاہتے ہیں، خورشید شاہ

Written by | روزنامہ بشارت

اسلام آباد: قومی اسمبلی میں قائد حزب اختلاف سید خورشید شاہ نے کہا ہے کہ فیصل آباد میں وزیراعظم کو ان کی اپنی ٹیم نے نقصان پہنچایا ایسا لگتا ہے کہ وزیر اعظم نواز شریف خود ہی عمران خان کو لیڈر بنانا چاہتے ہیں۔ اسلام آباد میں میڈیا سے بات کرتے ہوئے سید خورشید شاہ نے کہا کہ پیپلز پارٹی کسی بھی طرح سے حکومت کی حمایتی نہیں، ہم ریاست کی حمایت کر رہے ہیں، اگراس موقع پر مسلم لیگ (ن) کے بجائے عمران خان کی حکومت بھی ہوتی اور یہی حالات ہوتے تو پیپلز پارٹی ان کی حمایت کرتی۔ جب سیاسی کارکن کا کارکن سے سڑکوں پر مقابلہ ہو تو ملک میں خانہ جنگی شروع ہوجاتی ہے۔ قائد حزب اختلاف کا کہنا تھا کہ ہر دور میں ایسے لوگ ہوتے ہیں جو حکومت کو چلنے نہیں دیتے۔ پیپلز پارٹی کے گزشتہ دور حکومت میں میمو اسکینڈل منظر عام پر آیا تھا تو نواز شریف خود ہی اسے سپریم کورٹ میں لے گئے تھے۔ عمران خان اورحکومت کو احساس ہونا چاہیے کہ اس لڑائی سے نقصان ریاست کا ہوگا۔ عمران خان کے پیچھے کوئی ہو یا نہ ہو لیکن انہیں بالغ النظری کا مظاہرہ کرنا چاہیے۔ فیصل آباد میں گزشتہ روز پیش آنے والا واقعہ افسوسناک ہے، فیصل آباد میں وزیر اعظم نوازشریف کو ان کی اپنی ٹیم نے نقصان پہنچایا، اس صورت حال میں حکومت کو صبر کا دامن نہیں چھوڑنا چاہیے تھا۔ ایسا لگتا ہے کہ مسلم لیگ (ن) عمران خان کو لیڈر بنانا چاہتی ہے۔

Clear

22°C

اسلام آباد

Clear
Humidity: 51%
Wind: NNE at 11.27 km/h
Friday 21°C / 28°C Sunny
Saturday 20°C / 29°C Sunny
Sunday 22°C / 28°C Mostly sunny
Monday 20°C / 27°C Mostly sunny
Tuesday 18°C / 26°C Sunny
Wednesday 18°C / 26°C Sunny
Thursday 22°C / 26°C Sunny

تازہ ترین خبریں

کالم / بلاگ