ہیڈلائنز


نئے چیف الیکشن کمشنرسردار رضا کل عہدے کا حلف اٹھائیں گے

Written by | روزنامہ بشارت

اسلام آباد: الیکشن کمیشن کو نئے چیف الیکشن کمشنر سردار محمد رضا کے تقرر کا باقاعدہ طور پر نوٹی فکیشن موصول ہوگیا جب کہ کل اپنے عہدے کا حلف لیں گے۔ تفصیلات کے مطابق جسٹس ریٹائرڈ سردار محمد رضا آئندہ 5 سال تک چیف الیکشن کمشنر کے عہدے پر تعینات رہیں گے جب کہ اس حوالے سے وزارت پارلیمانی امورنےتقرری کا نوٹی فکیشن جاری کردیا۔ گزشتہ روزپارلیمانی کمیٹی نے چیف الیکشن کمشنر کیلئے سردار محمد رضا کی متفقہ منظوری دی جس کے بعد صدر نے سمری پر دستخط کئے جو کہ الیکشن کمیشن کو موصول ہوچکی ہے۔ سردار محمد رضا کل ایک بجے چیف الیکشن کمشنر کے عہدے کا حلف اٹھائیں گے جبکہ چیف جسٹس ناصرالملک سپریم کورٹ میں تقریب کے دوران  سردار محمد رضا سے حلف لیں گے۔واضح رہے کہ  جسٹس (ر) سردار محمد رضا 10 فروری 1945 کو ایبٹ آباد کے گاؤں نملی میرا میں پیدا ہوئے اور انہوں نے ابتدائی تعلیم مقامی اسکول اور کالج سے حاصل کی جس کے بعد انہوں نے پنجاب یونیورسٹی سے ایم اے اکنامکس کی ڈگری حاصل کی اور اسی یونیورسٹی سے 1967 میں ایل ایل بی کی ڈگری حاصل کی۔ سردار محمد رضا سپریم کورٹ میں اپنی خدمات انجام دے چکے ہیں جب کہ وہ پشاور ہائیکورٹ کے چیف جسٹس بھی رہے ہیں۔

 

 
Mostly clear

10°C

اسلام آباد

Mostly clear
Humidity: 72%
Wind: NNW at 11.27 km/h
Sunday 10°C / 18°C Sunny
Monday 10°C / 19°C Sunny
Tuesday 10°C / 18°C Sunny
Wednesday 9°C / 17°C Mostly sunny
Thursday 11°C / 17°C Mostly cloudy
Friday 12°C / 18°C Partly cloudy
Saturday 12°C / 17°C Partly cloudy

تازہ ترین خبریں

کالم / بلاگ