ہیڈلائنز


ایک اور منتخب وزیر اعظم کو گھر بھیج دیاگیا، مریم نواز

Written by | روزنامہ بشارت

اسلام آباد: نوازشریف کی صاحبزادی مریم نواز نےوزیر اعظم کی نااہلی پر ردعمل ظاہر کرتےہوئے کہا ہے کہ ایک اور منتخب وزیر اعظم کو گھر بھیج دیاگیا۔

سپریم کورٹ نے آج ملکی تاریخ کا سب سے اہم فیصلہ سناتے ہوئے وزیر اعظم  نواز شریف کو نااہل قرار دے دیا، جسٹس آصف سعید کھوسہ کی سربراہی میں جسٹس گلزار ،جسٹس اعجاز فضل، جسٹس شیخ عظمت سعیداور جسٹس اعجازالحسن پر مشتمل 5 رکنی بینچ نے آج نواز شریف کو نااہل قرار دیا۔

وزیر اعظم کی نااہلی پر جہاں پی ٹی آئی کارکنان نے خوشیاں منائیں وہیں وزیراعظم کی صاحبزادی مریم نواز نے ٹویٹر پر اپنے ردعمل کا اظہار کرتے ہوئے لکھا ہے کہ ’’ایک اور منتخب وزیر اعظم کو گھر بھیج دیا گیا،  انہوں نے پاکستان مسلم لیگ کے کارکنان کو ثابت قدم رہنے کی بھی ہدایت کرتے ہوئے کہا کہ  وزیراعظم زیادہ بڑی حمایت اور قوت کے ساتھ  جلد واپس آئیں گے‘‘۔

مریم نوازنے پاکستان مسلم لیگ (ن) کے حامیوں کو تسلی دیتے ہوئے کہا کہ ’’کیوں غم میں ہیں، یہپہلی بار نہیں کہ آپ کے لیڈر کو احتساب کا سامنا کرنا پڑرہا ہے، اس طرح کی تمام چیزیں انہیں مزید مضبوط بناتی ہیں۔

انہوں نے مزید لکھا باہمت انسان مشکل وقت میں پریشان نہیں ہوتا مسکراتا ہے۔

 

انہوں نے آج کے فیصلے کو 2018 کے الیکشن میں نوازشریف کی جیت کی وجہ قرار دیتے ہوئے کہا کہ نواز شریف کو کوئی نہیں روک سکتا! روک سکتے ہوتو روک لو۔

واضح رہے کہ جسٹس عظمت سعید اور جسٹس اعجاز الاحسن پر مشتمل 3 رکنی عملدرآمد بینچ کے روبرو جے آئی ٹی نے 10 جولائی کو اپنی رپورٹ پیش کی تھی عدالت نے 5 سماعتوں کے دوران رپورٹ پرفریقین کے اعتراضات سنے اور 21 جولائی کو فیصلہ محفوظ کیا تھا۔

Mostly clear

25°C

اسلام آباد

Mostly clear
Humidity: 88%
Wind: E at 11.27 km/h
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms
Saturday 21°C / 27°C Thunderstorms
Sunday 23°C / 28°C Sunny
Monday 23°C / 29°C Sunny

تازہ ترین خبریں

کالم / بلاگ