ہیڈلائنز


مریم نواز نے چیئرمین پیپلز پارٹی سے رابطے کا فیصلہ کر لیا

Written by | روزنامہ بشارت

اسلام آباد: پاناما کیس میں بحران سے نکلنے کے لئے مریم نواز نے چیئرمین پیپلز پارٹی بلاول بھٹو زرداری سے رابطے کا فیصلہ کر لیا ہے۔ سیاسی تاریخ میں مریم نواز کا بلاول بھٹو سے پہلا رابطہ ہو گا۔ انتہائی معتبر ذرائع سے معلوم ہوا ہے کہ مریم نواز کو خصوصی مشیروں نے مشورہ دیا ہے کہ پاناما کیس سے پیچھا چھڑانے کے لئے وہ بلاول بھٹو زرداری

سے رابطہ کر کے ان سے موجودہ بحران سے نکلنے کے لئے مدد مانگیں۔مشورہ پر مریم نواز نے اپنے والد وزیراعظم نواز شریف سے مشاورت اور اجازت کے بعد بلاول سے رابطہ کرنے کی حامی بھر لی ہے۔ ذرائع کے مطابق مریم نواز نے اپنے رفقاء سے بات کرتے ہوئے کہا کہ انہیں امید ہے کہ بلاول بھٹو زرداری جمہوریت کی بقاء کی خاطر انہیں مایوس نہیں کریں گے۔دوسری جانب پاکستان پیپلز پارٹی کے چیئرمین بلاول بھٹو زرداری نے بھی اپنے رفقاء سے مشورہ کیا ہے کہ اگر سیاسی تاریخ میں پہلی مرتبہ مریم نواز نے رابطہ کر لیا تو وہ ایسا پیغام دینا چاہتے ہیں جو کہ جمہوریت کے حسن کو مزید دوبالا کرے اور رہتی سیاست تک ملک کی دو نامور جماعتوں کے نئے ابھرتے ہوئے سیاستدان پہلے رابطے پر جمہوریت کے لئے اچھا شگون دیں۔واضح رہے کہ اس سے قبل چیئرمین بلاول بھٹو زرداری کی سالگرہ پر مریم نواز نے ”ہیپی برتھ ڈے بھائی“ کہہ کر مبارکباد دی تھی تو دوسری جانب بلاول بھٹو نے”تھینکس بہن“ کہہ کر جواب دیا جو کہ ادب و احترام کے رشتہ کی پہلی سیڑھی پر دونوں جانب ایک ایک قدم دیکھا گیا۔

Cloudy

21°C

اسلام آباد

Cloudy
Humidity: 34%
Wind: WNW at 11.27 km/h
Wednesday 12°C / 19°C Partly cloudy
Thursday 11°C / 19°C Partly cloudy
Friday 11°C / 20°C Scattered showers
Saturday 11°C / 13°C Scattered showers
Sunday 8°C / 18°C Partly cloudy
Monday 13°C / 17°C Cloudy
Tuesday 11°C / 16°C Rain

تازہ ترین خبریں

کالم / بلاگ