ہیڈلائنز


جہانگیر ترین کے مزید فراڈ بہت جلد ثبوت کے ساتھ منظرعام پر آئیں گے، پرویز رشید

Written by | روزنامہ بشارت

اسلام آباد: وفاقی وزیر اطلاعات پرویز رشید کا کہنا ہے کہ جہانگیر ترین نے میرے الزامات کا جواب اب تک نہیں دیا اور بہت جلد ان کے ہر فراڈ کا ثبوت منظر عام پر آئے گا۔اپنے ایک بیان میں  پرویز رشید نے جہانگیر ترین کی جانب سے کی جانے والی پریس کانفرنس پررد عمل کا اظہار کرتے ہوئے کہاکہ جہانگیر ترین کا ابھی صرف ایک گھپلا سامنے آیا ہے اور ابھی وہ تھوڑا انتظار کریں کیوں کہ بہت جلد ان کا ہر فراڈ ثبوت کے ساتھ منظرعام پر آئے گا۔ انہوں نے کہا کہ جہانگیر ترین اورعمران خان نے ٹیکس ریٹرنزمیں اپنے وی آئی پی اخراجات کا ذکر کیوں نہیں کیا جب کہ ان کی جے ڈبلیو ڈی شوگرملزکی آڈٹ رپورٹ میں شاہ خرچیوں کا کوئی ذکربھی نہیں۔ واضح رہے کہ گزشتہ روز پریس کانفرنس کے دوران وفاقی وزیر اطلاعات پرویز رشید کا جہانگیر ترین پر الزامات عائد کرتے ہوئے کہنا تھا کہ جےڈی ڈبلیوایک پرائیویٹ لمیٹڈ کمپنی ہے جس میں جہانگیر ترین کے 29.7 فیصد حصص ہیں اور آرڈیننس کے مطابق کمپنی کا طیارہ سیاسی مقاصد کے لئے استعمال نہیں کیا جاسکتا جب کہ شاہانہ اخراجات کے حوالے سے جہانگیر ترین نے اپنے گوشواروں میں کوئی ذکر نہیں کیا۔

Thunderstorms

27°C

اسلام آباد

Thunderstorms
Humidity: 63%
Wind: N at 6.44 km/h
Monday 22°C / 29°C Sunny
Tuesday 22°C / 30°C Sunny
Wednesday 23°C / 30°C Sunny
Thursday 23°C / 31°C Sunny
Friday 24°C / 31°C Sunny
Saturday 25°C / 31°C Sunny
Sunday 25°C / 30°C Sunny

تازہ ترین خبریں

کالم / بلاگ