ہیڈلائنز


مفتی شہاب الدین پوپلزئی میدان میں آگئے

Written by | روزنامہ بشارت

اسلام آباد: وفاقی حکومت کی طرف سے25جون کو مرکزی رویت ہلال کمیٹی کااجلاس بیس سال بعد پشاور میںطلب کرنے کااقدام بھی بے سود ،مفتی شہاب الدین پوپلزئی نے اپنے 29روزے مکمل ہونے پر عیدکاچانددیکھنے کے لیے اجلاس 24جون کوطلب کرلیاہے اورمرکزی رویت ہلال کمیٹی کوبھی دعوت دی ہے کہ وہ ان کے اجلاس میں شرکت کریں پشاورمیں اگرپچیس جون کی عیدہوئی تومرکزی رویت ہلال کمیٹی کااجلاس عیدملن پارٹی بن جائے گا وفاقی حکومت کی طرف سے ایک طویل عرصے کے بعد پشاورمیں مرکزی رویت ہلال کمیٹی کااجلاس طلب کرنے کا اقدام ضائع ہونے کاخدشہ پیداہوگیاہے کیو ں کہ مرکزی رویت ہلال کمیٹی کااجلاس اس لیے پشاورطلب کیاتھا کہ ملک میں ایک ہی دن عیدبنائی جائے مگروزارت مذہبی امورکے اس ناعاقبت اندیشانہ فیصلے سے قوم کوفائدہ ہونے کی بجائے الٹانقصان ہی ہوگاکیوں کہ مرکزی رویت رویت ہلال کمیٹی کوٹی اے ڈی اے مل جائے گا جبکہ مسجدقاسم علی خان کے خطیب مفتی شہاب الدین پوپلزئی نے اپنے 29روزے مکمل ہونے پر24جون کو اپنااجلاس طلب کرلیاہےاوریہ اجلاس کے پی کے گیارہ اجلاسوں میں منعقدہوں گے مفتی شہاب الدین پوپلزئی نے اوصاف سے گفتگوکرتے ہوئے کہاہے کہ ہمارااجلاس اپنے طریقہ کارکے مطابق ہے کیوں کہ 24جون کو ہمارے 29روزے مکمل ہوجائیں گے ہم چانددیکھیں گے اگرعیدکاچاندنظرآگیاتو25جون کوہماری عیدہوگی اگرہمیں عیدکے چاندکے حوالے سے کوئی شہادت موصول نہ ہوئی توپھرہمارے تیس روزے مکمل ہوں گے اور26جون کو عیدہوگی انہوں نے کہاکہ وفاقی حکومت اورمرکزی رویت ہلال کمیٹی نے ابھی تک مجھ سے کوئی رابطہ نہیں کیاہے البتہ میں سرکاری کمیٹی کودعوت دیتاہوں کہ وہ چوبیس جون کوہمارے اجلاس میں شرکت کریں ورنہ اگرچوبیس کوچاندنظرآنے کی صورت میں پچیس کوہماری عیدہوئی توسرکاری کمیٹی کاپشاورمیں اجلاس عیدملن پارٹی بن جائے گا وفاقی حکومت کارویہ غیرسنجیدہ ہے ہم پورے سال چانددیکھنے کااہتمام کرتے ہیں اورکے پی کے 11اضلاع میں چانددیکھنے کااہتمام کیاجاتاہے ۔دوسری طرف محکمہ موسمیات نے عیدالفطرکاچاند25جون کونظرآنے کی پیشن گوئی کردی ہے اس حوالے سے محکمہ موسمیات نے وزارت مذہبی امور کو خط لکھ دیا:محکمہ موسمیات کا عید کے چاند سے متعلق خط وزارت مذہبی امور کو موصول ہوگیاہے خط محکمہ موسمیات کے ڈائریکٹر کلائمیٹ کی جانب سے ڈی جی ریسرچ وزارت مذہبی امور کو لکھا گیاہے وزارت مذہبی امورنے محکمہ موسمیات کاخط رویت ہلال کمیٹی کوبھیج دیاہے رویت ہلال کمیٹی کااجلاس پچیس جون کوپشاورمیں ہوگا محکمہ موسمیات کے مطابق شوال کے چاند کی پیدائش 24جون کو صبح 7 بجکر31 منٹ پرہو جائیگی سائنس کی رو سے شوال کا چاند 25 جون کی شام دکھائی دے دے سکے گاملک کے زیادہ ترحصوں میں25جون کوموسم صاف یاجزوی ابرالودرہیگا،محکمہ موسمیات کے مطابق شوال کاچاند 25 جون کو نظر آنے کے واضح امکانات ہیںشوال کی چاند کی عمر25 جون کو غروب آفتاب کیوقت 36گھنٹوں سے زائدہوگی سائنس کے ڈیٹا کے مطابق عید الفطر 26 جون بروزپیر کو ہو گی

Sunny

22°C

اسلام آباد

Sunny
Humidity: 41%
Wind: NNW at 11.27 km/h
Thursday 21°C / 29°C Sunny
Friday 21°C / 29°C Sunny
Saturday 21°C / 28°C Sunny
Sunday 20°C / 28°C Mostly sunny
Monday 18°C / 26°C Mostly sunny
Tuesday 18°C / 25°C Sunny
Wednesday 21°C / 27°C Sunny

تازہ ترین خبریں

کالم / بلاگ