ہیڈلائنز


سپریم کورٹ کے نام سے جو فیس بک پیجز ہیں وہ تمام جعلی ہیں

Written by | روزنامہ بشارت

سپریم کورٹ پاکستان کے پبلک رلیشن آفیسر شاہد حسین کمبو کے مطابق سپریم کورٹ نے ایک اعلامیہ جاری کیا جس میں وضاحت دی گئی ہے کہ عدالت عظمیٰ کا سماجی رابطوں کی ویب سائٹس پر کوئی اکاونٹ موجود نہیں ہے۔

اعلامیے میں مزید کہا گیا کہ سپریم کورٹ کے نام سے جو فیس بک پیجز ہیں وہ تمام جعلی ہیں اور سپریم کورٹ کا فیس بک یا کسی بھی سماجی رابطے کی ویب سائٹ پر کوئی اکاونٹ یا پیج موجود نہیں ہے۔

سپریم کورٹ نے وفاقی تحقیقاتی ادارے (ایف آئی اے) اور پاکستان ٹیلی کمیونیکیشن اتھارٹی (پی ٹی اے) کو ہدایات جاری کی ہیں کہ وہ ان تمام فیس بک پیجز اور اکاؤنٹس کو فوری طور پر بلاک کریں۔

اس کے علاوہ عدالت عظمیٰ نے ایف آئی اے کو سپریم کورٹ کے نام سے جعلی فیس بک اکاؤنٹ میں ملوث افراد کے خلاف قانونی کارروائی کا بھی حکم دے دیا۔

خیال رہے کہ اس سے قبل بھی ورڈ پریس نامی ویب سائٹ پر سپریم کورٹ کے جعلی بلاگز سامنے آئے تھے جنہیں سپریم کورٹ نے بلاک کرادیا تھا۔

Cloudy

20°C

اسلام آباد

Cloudy
Humidity: 37%
Wind: W at 11.27 km/h
Wednesday 12°C / 19°C Partly cloudy
Thursday 11°C / 19°C Partly cloudy
Friday 11°C / 20°C Scattered showers
Saturday 11°C / 13°C Scattered showers
Sunday 8°C / 18°C Partly cloudy
Monday 13°C / 17°C Cloudy
Tuesday 11°C / 16°C Rain

تازہ ترین خبریں

کالم / بلاگ