ہیڈلائنز


وزیر اعظم جے آئے ٹی کا سامنا کرنے کےلئے تیار

Written by | روزنامہ بشارت

 

اسلام آباد: وزیر اعظم نوازشریف آج پاناما لیکس کی تحقیقات کیلئے سپریم کورٹ کے حکم پر تشکیل پانے والی جے آئی ٹی کے سامنے پیش ہونگے اور اس موقع پر میڈیا سے گفتگو بھی کریں گے ۔
 
میڈیاذرائع کے مطابق حسین اور حسن نواز کی بار بار پیشیوں کے بعد وزیر اعظم نوازشریف آج ذاتی حیثیت میں جے آئی ٹی کے طلب کرنے پر جوڈیشل اکیڈمی آئیں گے ، وزیر اعظم کی پیشی کے حوالے سے جوڈیشل اکیڈمی کے اطراف میں سیکیورٹی کے سخت ترین انتظامات کیے گئے ہیں ۔
ذرائع کا کہنا ہے کہ وزیر اعظم نوازشریف جے آئی ٹی میں پیشی کے بعد میڈیا سے گفتگو بھی کریں گے جس کے لئے جوڈیشل اکیڈمی کے باہر بلٹ پروف ڈائس بھی لگا دیا گیا ہے ۔
جے آئی ٹی میں پیشی کے موقع پر وزیر اعظم پاکستان کو بلیو بک کے مطابق سیکیورٹی فراہم کی جائے گی ، جوڈیشل اکیڈمی آنے والے تمام راستے بند کر دیے گئے ہیں اور ٹریفک کیلئے متبادل پلان جاری کر دیا گیا ہے ۔حساس عمارتوں کی سیکیورٹی کیلئے اینٹی ایئر کرافٹ گنز بھی نصب کر دی گئی ہیں جبکہ جوڈیشل اکیڈمی آنے والے تمام راستے سیل ہیں ۔
 
ذرائع کا کہنا ہے کہ جے آئی ٹی نے وزیر اعظم کے داماد کیپٹن (ر ) صفدر کو بھی 24جون کو طلب کر رکھا ہے جبکہ وزیر اعلیٰ پنجاب کو بھی طلبی کا سمن جاری کیا گیا ہے ۔ اس کے علاوہ حدیبیہ پیپر مل کے حوالے سے پیپلز پارٹی کے رہنما رحمان ملک کو بھی بلایا گیا ہے۔
Partly cloudy

8°C

اسلام آباد

Partly cloudy
Humidity: 61%
Wind: NNW at 17.70 km/h
Saturday 5°C / 14°C Sunny
Sunday 8°C / 16°C Partly cloudy
Monday 10°C / 19°C Partly cloudy
Tuesday 11°C / 19°C Sunny
Wednesday 11°C / 18°C Sunny
Thursday 10°C / 17°C Sunny
Friday 10°C / 18°C Sunny

تازہ ترین خبریں

کالم / بلاگ