ہیڈلائنز


صحافی کو مبینہ طور پر اغواء کرنے کی کوشش کی گئی

Written by | روزنامہ بشارت

ایرانی نیوز ایجنسی سے وابستہ پاکستانی صحافی کو تشدد کا نشانہ بنائے جانے کے اگلے ہی روز وفاقی دارالحکومت میں ایک مقامی صحافی کو مبینہ طور پر اغواء کرنے کی کوشش کی گئی، تاہم وہ بچ نکلنے میں کامیاب ہوگئے۔

نجی ٹی وی چینل  کے سینئر نمائندے اعزاز سید نے جمعہ (2 مئی) کی رات اپنے ساتھ پیش آنے والے واقعے کے بعد اسلام آباد کے شہزاد ٹاؤن پولیس اسٹیشن میں ہاتھ سے لکھی شکایت درج کروائی جس کے بعد واقعے کی ایف آئی آر درج کرتے ہوئے تحقیقات کا آغاز کردیا گیا۔

واقعے کی ایف آئی آر کے مطابق، اعزاز سید جمعے کی شب 9 بج کر 20 منٹ پر اپنے آفس سے گھر کے لیے روانہ ہوئے۔

صحافی کا دعویٰ ہے کہ راستے میں ایک لال رنگ کی سوزوکی مہران ان کی گاڑی کے سامنے سے گزری اور کیپیٹل ڈویلپمنٹ اتھارٹی انکلیو کے نزدیک یہ گاڑی ان کی گاڑی کے آگے آکر رک گئی۔

اعزاز سید کے مطابق اسی وقت ایک موٹرسائیکل پر سوار دو افراد بھی وہاں آگئے جن میں سے ایک نے ماسک سے اپنا چہرہ چھپا رکھا تھا۔

ایف آئی آر میں صحافی نے دعویٰ کیا کہ ان تمام افراد نے ان کی گاڑی کو گھیرے میں لے لیا اور گاڑی سے اترنے کا مطالبہ کیا، جبکہ دو افراد نے گاڑی کا دروازے کھولنے کی کوشش بھی کی۔

صحافی کے مطابق ایک مشتبہ اغوا کار کے ہاتھ میں پستول بھی موجود تھی۔

ایف آئی آر میں مزید کہا گیا کہ صورتحال کی سنگینی کا اندازہ لگاتے ہوئے صحافی نے اپنی گاڑی کا رخ موڑا اور تیزی سے وہاں سے نکلنے میں کامیاب ہوگئے۔

اعزاز سید کا کہنا تھا کہ 2010 میں بھی انہیں مبینہ حملے کا نشانہ بنایا گیا تھا اور نامعلوم افراد نے ان کے گھر پر حملہ کردیا تھا۔

صحافی کے مطابق حملہ آوروں نے گھر کا باہری دروازہ لاک کرتے ہوئے ان کی گاڑی کو بھی نقصان پہنچایا تھا۔

Thunderstorms

23°C

اسلام آباد

Thunderstorms
Humidity: 84%
Wind: ENE at 11.27 km/h
Wednesday 23°C / 29°C Thunderstorms
Thursday 22°C / 27°C Thunderstorms
Friday 21°C / 24°C Thunderstorms
Saturday 22°C / 28°C Thunderstorms
Sunday 23°C / 28°C Thunderstorms
Monday 23°C / 28°C Sunny
Tuesday 23°C / 30°C Sunny

تازہ ترین خبریں

کالم / بلاگ