ہیڈلائنز


مارننگ شو پر 5 دن کی پابندی عائد

Written by | روزنامہ بشارت

پیمرا کی جانب سے جاری ہونے والی پریس ریلیز کے مطابق پروگرام پر پابندی کا آغاز 3 اپریل سے ہوگا جو 7 اپریل تک جاری رہے گی۔

پیمرا کا کہنا ہے کہ 17 مارچ کے مارننگ شو میں جیو نے قابل اعتراض مواد نشر کرکے الیکٹرانک میڈیا ضابطہ اخلاق 2015 کی متعدد دفعات کی خلاف ورزی کی لہذا پیمرا آرڈیننس 2002 (ترمیمی ایکٹ 2007) کی دفعات 27 اور 29 کے تحت پروگرام پر 5 روز کی پابندی اور چینل پر 10 لاکھ روپے جرمانہ عائد کیا گیا۔

پیمرا کے حکم نامے میں جیو نیوز کو تنبیہ کی گئی ہے کہ چینل ضابطہ اخلاق کی خلاف ورزی سے بچنے کے لیے ادارے کی نگراں کمیٹی کو فعال بنائے اور نشریات میں تاخیری نظام کو نافذ کرے۔

پریس ریلیز کے مطابق پیمرا کے حکم کی خلاف ورزی کی صورت میں پیمرا آرڈیننس 2002 کی دفعہ 30 کے تحت لائسنس معطلی کے عمل کا آغاز کیا جائے گا۔

رواں سال جنوری میں پیمرا نے ضابطہ اخلاق کی مسلسل خلاف ورزی پر عامر لیاقت حسین اور ان کے بول نیوز پر نشر ہونے والے پروگرام 'ایسا نہیں چلے گا' پر بھی پابندی عائد کی تھی۔

Sunny

28°C

اسلام آباد

Sunny
Humidity: 71%
Wind: NW at 11.27 km/h
Wednesday 23°C / 29°C Thunderstorms
Thursday 23°C / 28°C Thunderstorms
Friday 22°C / 25°C Thunderstorms
Saturday 21°C / 27°C Thunderstorms
Sunday 22°C / 29°C Thunderstorms
Monday 22°C / 28°C Sunny
Tuesday 23°C / 28°C Thunderstorms

تازہ ترین خبریں

کالم / بلاگ