ہیڈلائنز


لوٹ مار کے نئے طریقے ایجاد کرنا آصف زردری کا طرہ امتیاز ہے، سعد رفیق

Written by | روزنامہ بشارت

اسلام آباد: وزیرریلوے خواجہ سعد رفیق کا کہنا ہے کہ لوٹ مار کے نِت نئے طریقے ایجاد کرنا آصف زرداری کا طرہ امتیاز ہے جب کہ دوسروں پر کمیشن لینے کا الزام لگانے سے پہلے زرداری صاحب آئینہ دیکھ لیں۔

پیپلزپارٹی کے شریک چیرمین آصف زرداری کے بیان پر رد عمل کا اظہار کرتے ہوئے خواجہ سعد رفیق نے کہا کہ سندھ کی ترجمانی کی دعویدار زرداری پارٹی نے سندھ کو مایوسی کے سوا کچھ نہیں دیا اور 10 سالہ اقتدار میں آصف زرداری نے صوبے کو کھنڈر بنا دیا جب کہ دوسروں پرالزام سے پہلے زرداری آئینہ دیکھ لیا کریں۔ انہوں نے کہا کہ قوم چوری کی چُوری کھا کر جوان ہونے والوں کو پاکستان لوُٹنے کا موقع نہیں دے گی جب کہ لوٹ مار کے نِت نئے طریقے ایجاد کرنا آصف زرداری کا طرہ امتیاز ہے، دوسروں پر کمیشن لینے کا الزام لگانے سے پہلے زرداری صاحب اپنا احتساب کریں۔

خواجہ سعد رفیق کا کہنا تھا کہ اہل سندھ کو زرداریوں کی استحصالی حکومت سے نجات دلائیں گے اورسندھ میں سیاسی خلا مسلم لیگ (ن) ہی پورا کرے گی جب کہ سندھ کی ترقی و خوشحالی کے لیے 2018 کے انتخابات میں پیپلز پارٹی کی شکست لازم ہے، سندھ میں مسلم لیگی رہنماؤں کے خلاف انتقامی کاروائیوں سے ہماری پیش قدمی نہیں رک سکتی۔

Cloudy

21°C

اسلام آباد

Cloudy
Humidity: 37%
Wind: WNW at 17.70 km/h
Tuesday 12°C / 20°C Mostly cloudy
Wednesday 13°C / 20°C Mostly sunny
Thursday 12°C / 20°C Partly cloudy
Friday 12°C / 20°C Scattered showers
Saturday 11°C / 15°C Showers
Sunday 11°C / 13°C Showers
Monday 11°C / 17°C Mostly cloudy

تازہ ترین خبریں

کالم / بلاگ