ہیڈلائنز


تیمور قتل کیس، اسلام آباد پولیس نے پیٹی بھائی کو بے گناہ قرار دے دیا

Written by | روزنامہ بشارت
اسلام آباد: تیمور قتل کیس کے مرکزی ملزم پولیس اہلکار سمیع کے مقدمے کے چالان میں تفتیشی افسر نے ملزم کو بے گناہ قرار دے دیا ہے۔ تفصیلات کے مطابق وفاقی دارالحکومت میں پولیس اہلکار کی فائرنگ سے قتل ہونے والے تیمور کے مقدمے کا چالان پیش کردیا گیا ہے اور چالان میں کیس کے مرکزی ملزم پولیس اہلکار سمیع کو بے گناہ قرار دے دیا گیا ہے۔تفتیشی افسر نے چالان میں تحریر کیا ہے کہ  3 فروری کو تھانہ سبزی منڈی کی حدود میں ناکے پر ڈیوٹی کی انجام دہی میں مصروف  پولیس اہلکار سمیع نے دوران ڈیوٹی مقتول تیمور کو رکنے کا اشارہ کیا تو اس نے گاڑی بھگانے کی کوشش کی جس پر اہلکار نے فائرنگ کردی جس سے تیمور کی موت واقع ہوگئی۔ چالان میں ملزم سمیع کی فائرنگ کو غیر ارادی فعل قرار دے کر کہا گیا ہے کہ پولیس اہلکار کی فائرنگ کا مقصد تیمور کو قتل کرنا نہیں تھا ۔چالان میں ملزم سمیع کے ساتھ جائے وقوعہ پر موجود اور تیمور قتل کیس میں گرفتار دوسرے  پولیس اہلکار طارق کو بھی کلین چٹ مل گئی ہے اور اسے ملزمان کی فہرست سے خارج کرکے گواہان میں شامل کرلیا گیا ہے۔  چالان میں مقتول تیمور کی ساتھی خاتون ماہین، 3 پولیس اہلکار اور پمز اسپتال کے ڈاکٹرز بھی گواہان میں شامل ہیں۔
Sunny

30°C

اسلام آباد

Sunny
Humidity: 65%
Wind: N at 6.44 km/h
Friday 25°C / 31°C Thunderstorms
Saturday 25°C / 30°C Thunderstorms
Sunday 22°C / 28°C Thunderstorms
Monday 22°C / 28°C Thunderstorms
Tuesday 23°C / 29°C Thunderstorms
Wednesday 23°C / 29°C Thunderstorms
Thursday 21°C / 27°C Thunderstorms

تازہ ترین خبریں

کالم / بلاگ