ہیڈلائنز


دہشتگردی کے خاتمے تک ’’آپریشن ردالفساد‘‘ جاری رہے گا

Written by | روزنامہ بشارت

اسلام آباد: وزیراعظم نواز شریف کا کہنا ہے کہ  دہشت گردی کو جڑ سے اکھاڑنے کے لیے تمام سیاسی جماعتیں پر عزم ہیں جب کہ اس ناسور کو جڑ سے اکھاڑنے کے لئے آپریشن ردالفساد جاری رہے گا۔ اسلام آباد میں وزیراعظم نواز شریف کی زیرصدارت میں اعلیٰ سطحی اجلاس ہوا جس میں آرمی چیف جنرل قمر جاوید باجوہ، وزیرداخلہ، مشیر قومی سلامتی  ناصر جنجوعہ سمیت ڈی جی آئی ایس آئی نے شرکت کی۔ اجلاس میں ملکی سلامتی، سیکیورٹی اور آپریشن ’ردالفساد‘ پر تفصیلی مشاورت کی گئی اور آپریشن کے نتیجے میں حاصل ہونے والی کامیابیوں کا جائزہ لیا گیا۔ اجلاس کے شرکا نے آپریشن ردالفساد کو عوامی امنگوں کا آئینہ دار قرار دیتے ہوئے  ملک سے دہشت گردی کے خاتمے تک آپریشن جاری رکھنے کے عزم کا بھی اظہار کیا۔اجلاس میں وزیراعظم کا کہنا تھا کہ پاکستان نے دہشت گردی کے خلاف بے مثال قربانیاں دیں اور دہشت گردوں کے ملک سے بلا امتیاز خاتمے کے لیے اپنے عزم پر قائم ہیں جب کہ آپریشن دہشت گردی کے مکمل خاتمے کے لیے قومی امنگوں کاعکاس ہے۔ انہوں نے کہا کہ دہشت گردی کو جڑ سے اکھاڑنے کے لیے تمام سیاسی جماعتیں اور اسٹیک ہولڈرز پر عزم ہیں لہذا فریقین کے اتفاق رائے سے دہشت گردی اور انتہاپسندی کا خاتمہ کیا جائے گا۔

Thunderstorms

28°C

اسلام آباد

Thunderstorms
Humidity: 68%
Wind: WSW at 11.27 km/h
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 27°C Thunderstorms
Friday 21°C / 24°C Thunderstorms
Saturday 22°C / 28°C Thunderstorms
Sunday 23°C / 28°C Thunderstorms
Monday 23°C / 28°C Sunny

تازہ ترین خبریں

کالم / بلاگ