ہیڈلائنز


ملا فضل اللہ نے مجھے فون پر کہا کہ حملوں کیلئے ہمیں پنجاب تک جانے دو، اسفند یار ولی

Written by | روزنامہ بشارت

اسلام آباد: عوامی نیشنل پارٹی کے سربراہ اسفند یار ولی نے کہا ہے کہ طالبان کے امیر نے مجھے فون پر کہا ہے کہ ہمارے راستے سے ہٹ جاﺅ، ہمیں پنجاب پر حملے کیلئے جانے دو۔ یہ انکشاف انہوں نے نجی ٹی وی کے پروگرام میں گفتگو کرتے ہوئے کیا۔ انہوں نے مزید کہا ہے کہ سیاست میں ذاتی مقاصد نہیں ہیں، پاکستان میں پختونوں کے ساتھ جو ہو رہا ہے اس کا ردعمل بہت برا ہوسکتا ہے، ہماری جماعت میں حبیب جالب پنجاب سے تھا، مجھے پنجاب یا پنجابیوں سے کوئی گلہ نہیں ہے۔ ہماری جماعت کو ہمیشہ پنجاب سے اچھے دماغ رکھنے والے لوگ ملے ہیں، ہر افغان پختون ہے لیکن ہر پختون افغان نہیں ہے۔ میں فخر کرتا ہوکہ میں ایک پاکستانی ہوں، میری پاکستانیت پر کسی کو شک نہیں کرنا چاہیے۔ انہوں نے مزید کہا کہ جو دہشتگرد ہے وہ دہشتگرد ہے، جو طاقت کے ذریعے کسی پر اپنی سوچ دوسرے پر مسلط کرنے کی کوشش کرتا ہے وہ دہشتگرد ہے، چاہے وہ فوجی ہے یا مولوی ہے، فوجی عدالتوں سے متعلق پیپلز پارٹی کی اے پی سی کا فیصلہ بعد میں کروں گا کہ اسکی حمایت کرنی ہے یا مخالفت۔ انہوں نے کہا ہے کہ 12 مارچ تک فاٹا کا مسئلہ حل نہ ہوا تو سب اسلام آباد میں دھرنا دینگے۔ تمام جماعتیں ہمارے ساتھ ہیں جن میں جماعت اسلامی، تحریک انصاف اور پیپلز پارٹی بھی شامل ہیں۔

Cloudy

10°C

اسلام آباد

Cloudy
Humidity: 46%
Wind: NNW at 11.27 km/h
Tuesday 11°C / 20°C Partly cloudy
Wednesday 12°C / 19°C Mostly sunny
Thursday 12°C / 18°C Sunny
Friday 9°C / 17°C Sunny
Saturday 8°C / 16°C Partly cloudy
Sunday 10°C / 16°C Mostly sunny
Monday 12°C / 15°C Sunny

تازہ ترین خبریں

کالم / بلاگ