ہیڈلائنز


ایرانی صدر حسن روحانی 28 فروری کو پاکستان آئیں گے

Written by | روزنامہ بشارت

تہران: ایرانی صدر ڈاکٹر حسن روحانی اقتصادی تعاون تنظیم (ای سی او ) کے سربراہی اجلاس میں شرکت کے لئے وزیراعظم نواز شریف کی دعوت پر 28 فروری کو اسلام آباد پہنچیں گے، تہران نے حسن روحانی کے دورہ پاکستان کی تصدیق کر دی۔ ذرائع کے مطابق ڈاکٹر حسن روحانی پاکستان کے وزیراعظم نواز شریف کی دعوت پر اقتصادی تعاون تنظیم (ای سی او ) کے سربراہی اجلاس میں شرکت کے لئے 28 فروری کو منگل کے روز اسلام آباد پہنچیں گے، تہران میں ایوان صدر کے اعلٰی عہدیدار پرویز اسماعیلی نے ڈاکٹر حسن روحانی کے دورہ پاکستان کی تصدیق کرتے ہوئے کہا ہے کہ ڈاکٹر حسن روحانی ای سی او کے سربراہی اجلاس میں، خطے کے اہم اقتصادی معاملات پر ایران کے موقف کو کھل کر بیان کریں گے۔ انہوں نے کہا کہ صدر حسن روحانی اسلام آباد میں اپنے قیام کے دوران ای سی او اجلاس میں شریک دیگر ملکوں کے رہنماؤں سے بھی ملیں گے۔ واضح رہے کہ رکن ملکوں میں پائیدار ترقی کے لئے حالات کو سازگار بنانا، تجارت میں حائل رکاوٹوں کو بتدریج ختم کرنا اور افرادی قوت کی تربیت کے لئے مشترکہ منصوبے تیار کرنا، ای سی او کے مقاصد میں شامل ہے۔ اقتصادی تعاون تنظیم کے رکن ملکوں کا سربراہی اجلاس یکم مارچ 2017ء کو اسلام آباد میں منقعد ہو رہا ہے۔ ای سی او کے 10 رکن ممالک میں پاکستان، ترکی، ایران، افغانستان، ترکمانستان، کرغیزستان، ازبکستان، قزاقستان، تاجکستان اور آذربائیجان شامل ہیں۔

Clear

27°C

اسلام آباد

Clear
Humidity: 80%
Wind: N at 6.44 km/h
Saturday 25°C / 30°C Thunderstorms
Sunday 23°C / 29°C Thunderstorms
Monday 22°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms

تازہ ترین خبریں

کالم / بلاگ