ہیڈلائنز


اسلام آباد ائیرپورٹ کی سیکیورٹی کا بھانڈا پھوٹ گیا

Written by | روزنامہ بشارت

ملک میں دہشت گردی کی حالیہ لہر کے بعد جڑواں شہروں کے مشترکہ بین الاقوامی ہوائی اڈے پر بھی سیکیورٹی کو انتہائی سخت کردیا گیا تھا لیکن اس اہم مقام پر حفاظتی اقدامات کا اندازہ اس واقعے سے ہی لگایا جاسکتا ہے کہ ایک مشکوک شخص ہوائی جہاز تک جاپہنچا اور کسی نے اسے روکا تک نہیں۔

 

 نیوز کے مطابق ملک میں جاری حالیہ دہشت گردی کی لہر کے باعث پورے ملک میں قانون نافذ کرنے والے ادارے متحرک نظر آتے ہیں اور خصوصاً چاروں صوبائی اور وفاقی دالحکومتوں میں سیکیورٹی انتہائی سخت کردی گئی ہے لیکن اسلام آباد میں سیکیورٹی ہائی الرٹ ہونے اور پاک فوج کے کنٹرول سنبھالنے کے باوجود ائیرپورٹ پر سخت سیکیورٹی کی حقیقت اس وقت کھل کر سامنے آگئی جب ایک مشکوک شخص اسلام آباد سے کراچی جانے والے پی آئی اے کے جہاز تک پہنچ گیا۔

 

 

اے ایس ایف کی ابتدائی تفتیش میں پتا چلا ہے کہ مشکوک شخص کی شناخت اجمل کے نام سے ہوئی ہے جو 33 روز قبل ہی راولپنڈی کے علاقے پیر ودھائی میں آیا تھا اور آج  ناصرف ایئرپورٹ میں داخل ہوا بلکہ تمام سیکیورٹی حصار کو توڑتا ہوا انٹرنیشنل لاؤنج میں داخل ہوگیا اور پھر سامان والی کنویئر بیلٹ میں چھپ کر (ایپن)ائیرسائٹ میں چلا گیا اور کراچی جانے والی پرواز پی کے 3699 تک جا پہنچا۔

 

حکام کے مطابق جہاز کے عملے نے مشکوک شخص کی نشاندہی کی جس کے بعد اے ایس ایف کے اہلکاروں نے مذکورہ شخص کو حراست میں لے کر تلاشی لی تو اس کی جیب سے 30 روپے اور موبائل فون سم کی جیکٹ برآمد ہوئی۔ اے ایس ایف حکام کا کہنا ہے کہ اجمل صرف پشتو زبان بول سکتا ہے تاہم ا سے مزید تفتیش کے لئے نامعلوم مقام پر منتقل کردیا گیا ہے۔

Mostly clear

26°C

اسلام آباد

Mostly clear
Humidity: 87%
Wind: ESE at 17.70 km/h
Sunday 23°C / 30°C Scattered thunderstorms
Monday 23°C / 28°C Thunderstorms
Tuesday 23°C / 26°C Thunderstorms
Wednesday 22°C / 26°C Thunderstorms
Thursday 22°C / 27°C Thunderstorms
Friday 23°C / 27°C Thunderstorms
Saturday 24°C / 30°C Thunderstorms

تازہ ترین خبریں

کالم / بلاگ