ہیڈلائنز


ایک ماہ قبل افغانستان سے بھتے کی کال آئی تھی، جسٹس دوست محمد کا انکشاف

Written by | روزنامہ بشارت

اسلام آباد: سپرییم کورٹ کے جج جسٹس دوست محمد خان نے مقدمے کی سماعت کے دوران ریمارکس دیتے ہوئے کہا ہے کہ ایک ماہ پہلے مجھے بھی افغانستان سے بھتے کی کال آئی تھی۔ سپریم کورٹ میں جسٹس دوست محمد کی سربراہی میں 3 رکنی بینچ نے منشیات اسمگلرز کی سزاؤں کے خلاف نظر ثانی اپیل کی سماعت کی، عدالت نے منشیات فریقین کے دلائل سننے کے بعد اپیلیں مسترد کردیں۔ دوران سماعت جسٹس دوست محمد نے اپنے ریمارکس میں کہا کہ 82 کلوگرام چرس ٹرین کی بوگی میں ہی جاسکتی ہے ملک تباہی کی طرف جارہا ہے ایسے لوگ رعایت کے مستحق نہیں، دہشت گردوں کو50 فیصد سے زائد فنڈنگ منشیات سے ہوتی ہے گزشتہ 6 سال میں پوست کی کاشت میں بے پناہ اضافہ ہوا، منشیات کی 70 فیصد پیداواراورسپلائی افغانستان سے ہوتی ہے۔ افغانستان پرقابض عالمی طاقتیں جدید ٹیکنالوجی سے لیس ہیں، عالمی طاقتیں چاہیں توایک دن میں منشیات کاخاتمہ ہوسکتا ہے جسٹس دوست محمد نے ریمارکس دیئے کہ کرپٹ اور مالدارافراد سے بھتہ وصول کیاجاتا ہے اور بھتے کی ادائیگی جلال آباد کے قریب ایک گاؤں میں کی جاتی ہے۔ ایک ماہ پہلے مجھے بھی افغانستان سے بھتے کی کال آئی تھی، جس میں کہا گیا کہ نہ آپ آئے اور نہ آپ کے پیسے، اب ہم بندے بھیج رہے ہیں، میں نے تعارف کروانے کا کہا تواس کو سمجھ آئی کہ غلط نمبرملادیا ہے۔

Clear

22°C

اسلام آباد

Clear
Humidity: 51%
Wind: NNE at 11.27 km/h
Friday 21°C / 28°C Sunny
Saturday 20°C / 29°C Sunny
Sunday 22°C / 28°C Mostly sunny
Monday 20°C / 27°C Mostly sunny
Tuesday 18°C / 26°C Sunny
Wednesday 18°C / 26°C Sunny
Thursday 22°C / 26°C Sunny

تازہ ترین خبریں

کالم / بلاگ