ہیڈلائنز


بالاورستان نیشنل فرنٹ گلگت کے مرکزی صدر کے گھر سے انڈین پاسپورٹ و غیرملکی نقدی برآمد

Written by | روزنامہ بشارت

گلگت: بالاورستان نیشنل فرنٹ گلگت بلتستان کے گرفتار ملزمان کے تفتیشی آفسر ڈی ایس پی راجہ اکبر حسین اور انسپکٹر رحمت بیگ نے کہا ہے کہ بی این ایف کے گرفتار مرکزی صدر صفدر علی کی نشاندہی پر تنظیم کے مرکزی دفتر واقع کرنل حسن مارکیٹ گلگت میں چھاپہ مار کر بڑی مقدار میں تنظیمی لٹریچر، بینرز، دو ٹیلی فون سیٹس برآمد کر لیے گئے۔ انہوں نے مزید کہا ہے کہ ان کے گھر پر چھاپے کے دوران چھ سو امریکی ڈالر نقد اور انڈیا کی طرف سے ایشو کردہ پاسپورٹ اور مختلف بنکوں کے چیکس بھی برآمد کر لیے گئے ہیں۔ واضح رہے کہ بالاورستان نیشنل فرنٹ کے دو مرکزی رہنماء ایڈوکیٹ محبوب علی اور بی این ایف جی بی کے مرکز رہنما صفدر علی کو گلگت سے تحویل میں لیا گیا تھا اور ان کے خلاف دہشت گردی ایکٹ کے تحت مقدمات درج کرکے جوائنٹ انویسٹی گیشن ٹیم (جے آئی ٹی) میں تفتیش جاری ہے۔ پولیس کے مطابق مطابق اب تک بالاورستان نیشنل فرنٹ کے ایک درجن سے زائد کارکنان جیل میں ہیں اور ان پر دہشت گردی اور دیگر سنگین نوعیت کے مقدمات درج ہیں۔

Sunny

17°C

اسلام آباد

Sunny
Humidity: 32%
Wind: NNW at 17.70 km/h
Wednesday 11°C / 18°C Sunny
Thursday 10°C / 18°C Partly cloudy
Friday 10°C / 20°C Mostly sunny
Saturday 12°C / 21°C Sunny
Sunday 14°C / 21°C Mostly sunny
Monday 12°C / 18°C Partly cloudy
Tuesday 12°C / 16°C Sunny

تازہ ترین خبریں

کالم / بلاگ