ہیڈلائنز


حلقہ بندیوں کیلئے قانون سازی نہ ہونے پر برہمی ، سندھ حکومت کا جواب مسترد،جمعرات تک مہلت ہے: سپریم کورٹ

Written by | روزنامہ بشارت

اسلام آباد(مانیٹرنگ ڈیسک) سپریم کورٹ نے حلقہ بندیوں سے متعلق سندھ حکومت کا جواب مستردکردیا اور ہدایت کی کہ جمعرات تک بل اسمبلی میں پیش کریں ورنہ وزیراعلیٰ سندھ کو نوٹس جاری کریں گے جبکہ وفاق کو دوہفتوں میں نیا چیف الیکشن کمشنر تعینات کرنے کی ہدایت کردی ۔ 

چیف جسٹس ناصرالملک کی سربراہی میں سپریم کورٹ کے تین رکنی بینچ نے بلدیاتی انتخابات سے متعلق کیس کی سماعت کی ۔ دوران سماعت سندھ حکومت کی طرف سے عدالت میں جواب جمع کرایاگیاجسے عدالت نے مسترد کردیا اور برہمی کا اظہارکرتے ہوئے چیف جسٹس نے ریمارکس دیئے کہ وقت دینے کا مطلب یہ نہیں تھاکہ وقت ختم ہونے پر ہی قانون سازی شروع کریں ۔ 

جسٹس اعجاز چوہدری نے ریمارکس دیئے کہ فروری میں قانون سازی اور حلقہ بندیوں کا حکم دیاتھا، صوبائی حکومت کیاکررہی ہے ، کیوں نہ وزیراعلیٰ سندھ کو توہین عدالت کا نوٹس جاری کیاجائے ؟َآپ وفاق یاالیکشن کمیشن کا انتظار نہ کریں ، اپنی قانون سازی کریں ،حکومت اگر چیف الیکشن کمشنر تعینات نہیں کرتی تو اپنا جج واپس لے لیں گے،ایک جج کی اضافی ذمہ داریوں سے عدالتی کام متاثر ہورہاہے۔ فاضل بینچ نے حکومت سندھ کو جمعرات تک بلدیاتی انتخابات کیلئے حلقہ بندیوں کا بل جمعرات تک اسمبلی میں پیش کرنے کا حکم دیتے ہوئے واضح کیاکہ مزید تاخیرپر وزیراعلیٰ سندھ کو طلب کریں گے اور سماعت ملتوی کردی ۔

 

Sunny

20°C

اسلام آباد

Sunny
Humidity: 29%
Wind: NW at 17.70 km/h
Wednesday 11°C / 18°C Sunny
Thursday 10°C / 18°C Partly cloudy
Friday 10°C / 20°C Mostly sunny
Saturday 12°C / 21°C Sunny
Sunday 14°C / 21°C Mostly sunny
Monday 12°C / 18°C Partly cloudy
Tuesday 12°C / 16°C Sunny

تازہ ترین خبریں

کالم / بلاگ