ہیڈلائنز


فروری کے پہلے ہفتے تک اس پاناما کیس کا فیصلہ آجائے گا، شیخ رشید کا دعویٰ

Written by | روزنامہ بشارت

اسلام آباد: پاکستان عوامی مسلم لیگ کے سربراہ شیخ رشید کا کہنا ہے کہ رانا ثنااللہ اور سعد رفیق اپنی زبان ٹھیک کریں کیونکہ لال حویلی پر لڑائی لڑوگے تو خرابی ہوگی۔ سپریم کورٹ کے باہر میڈیا سے بات کرتے ہوئے عوامی مسلم لیگ کے سربراہ شیخ رشید کا کہنا تھا کہ مسلم لیگ (ن) نے ابھی تک منی ٹریل کے حوالے سے ایک بھی دستاویز نہیں دیا تاہم یہ کیس جتنا لمبا کریں گے ان کے خلاف جائے گا۔ انہوں نے کہا کہ 8 سے 10 دن کی بات ہے اور فروری کے پہلے ہفتے تک اس کیس کا فیصلہ آجائے گا جوکہ بلکل واضح ہوگا اور چوروں کا قانون کے دائرہ اختیار میں بندوبست ہوگا جب کہ یہ وہ دور نہیں ہے جب سپریم کورٹ پر حملہ ہوتا تھا۔شیخ رشید نے کہا کہ رانا ثنااللہ اور سعد رفیق اپنی زبان ٹھیک کریں کیونکہ لال حویلی پر لڑائی لڑوگے تو شاید تھوڑے دن جو عدالتوں میں رہ گئے ہیں وہ مزید قریب آجائیں گے۔ وزیراعظم خود لال حویلی میں خطاب کرتے رہے ہیں تاہم یہ خود چاہتے ہیں کہ حویلی خالی ہو تو ہم حاضر ہیں اور اگر لال حویلی ہی ان کا مسئلہ ہے تو ہم حویلی نواز شریف اور مریم بی بی کو تحفے میں دے دیں گے۔

Clear

10°C

اسلام آباد

Clear
Humidity: 59%
Wind: NNW at 11.27 km/h
Monday 12°C / 20°C Partly cloudy
Tuesday 12°C / 20°C Mostly cloudy
Wednesday 12°C / 19°C Partly cloudy
Thursday 11°C / 20°C Partly cloudy
Friday 11°C / 18°C Rain
Saturday 11°C / 12°C Scattered showers
Sunday 11°C / 15°C Rain

تازہ ترین خبریں

کالم / بلاگ