ہیڈلائنز


عمران خان جھوٹ اوراحتجاجی سیاست سے کیس نہیں جیت سکتے، مریم اورنگزیب

Written by | روزنامہ بشارت

اسلام آباد: وزیرمملکت برائے اطلاعات و نشریات مریم اورنگزیب کا کہنا ہے کہ عمران خان جھوٹ اوراحتجاجی سیاست سے کیس نہیں جیت سکتے جب کہ وہ عدالت میں کچھ ثابت نہیں کرپائے۔ سپریم کورٹ کے باہر میڈیا سے بات کرتے ہوئے وزیرمملکت برائے اطلاعات و نشریات مریم اورنگزیب کا کہنا تھا کہ عمران خان جھوٹ اوراحتجاجی سیاست سے کیس نہیں جیت سکتے، عمران خان عدالت میں کچھ ثابت نہیں کرپائے جب کہ اب تک جو بھی دستاویزات جمع کروائے گئے ہیں وہ (ن)  لیگ نے جمع کروائے ہیں تاہم بہت جلد وہ وقت آئے گا جب عمران خان خود مریم نواز، مریم نواز کے نعرے لگائیں گے۔ ان کا کہنا تھا کہ فیصلہ عدالت کو کرنا ہے عمران خان کو نہیں لیکن انہیں عدالت کے باہر مقدمہ لڑنے کی عادت ہے، وزیراعظم  نے کہا تھا کہ جب بھی دستاویزات مانگے گئے تو فراہم کریں گے جب کہ نواز شریف کا بڑا پن ہے کہ وہ 3 بار اس ملک کے وزیراعظم بنے اور وزیراعظم ہونے کے باوجود ان کے خلاف مقدمہ عدالت میں چل رہا ہے۔ عمران خان کی جانب سے نیب 3 ماہ تک اپنے حوالے کیے جانے سے متعلق پوچھے گئے سوال پر مریم اورنگزیب کا کہنا تھا کہ یہ عمران خان کی خواہش ہے لیکن انہوں نے خیبر پختونخوا میں احتساب کمیشن کا کیا حال کیا؟ اس کمیشن کی مدت نہیں بڑھائی گئی کیونکہ اس کمیشن کے پاس سارے مقدمات ان کی حکومت کے خلاف تھے۔

Cloudy

15°C

اسلام آباد

Cloudy
Humidity: 62%
Wind: NNW at 17.70 km/h
Saturday 11°C / 13°C Scattered showers
Sunday 10°C / 17°C Partly cloudy
Monday 13°C / 21°C Cloudy
Tuesday 15°C / 21°C Partly cloudy
Wednesday 13°C / 21°C Mostly cloudy
Thursday 12°C / 19°C Rain
Friday 10°C / 17°C Partly cloudy

تازہ ترین خبریں

کالم / بلاگ