ہیڈلائنز


طیارہ حادثہ؛ تحقیقات کیلئے فرانسیسی ٹیم کی 24 گھنٹوں میں پاکستان آمد متوقع

Written by | روزنامہ بشارت

اسلام آباد: پی آئی اے کے طیارے کو پیش آنے والے حادثے کی تحقیقات کے لئے فرانسیسی ٹیم کی آئندہ 24 گھنٹوں کے دوران پاکستان آمد متوقع ہے۔

 فرانس کی تحقیقاتی ٹیم پی آئی اے کے طیارے کو پیش آنے والے حادثے کی تحقیقات کے لئے آئندہ 24 گھنٹوں کے دوران اسلام آباد پہنچ جائے گی۔ ذرائع کا کہنا ہے کہ فرانس کی تحقیقاتی ٹیم سیفٹی انویسٹی گیشن بورڈ کے ساتھ مل کر مشترکہ طور پر طیارہ حادثے کی تحقیقات کرے گی جب کہ تحقیقات میں مزید 2 سے 3 ہفتے لگ لگ سکتے۔

دوسری جانب حادثے کا شکار ہونے والے طیارے کا بلیک باکس اور وائس ریکارڈر آئندہ 2 سے 3 روز میں فرانس بھیج دیا جائے گا جہاں اسے ڈی کوڈ کیا جائے گا۔ بلیک باکس اور وائس ریکارڈر ایس آئی بی کے ارکان فرانس لے کر جائیں گے۔

واضح رہے کہ پی آئی اے کا اے ٹی آر طیارہ 3 روز قبل چترال سے اسلام آباد جاتے ہوئے حویلیاں کے مقام پر حادثے کا شکار ہو گیا تھا جس کے نتیجے میں معروف نعت خوان جنید جمشید سمیت 47 افراد جاں بحق ہو گئے تھے۔ اے ٹی آر طیارہ فرانس کی کمپنی کا تیار کردہ ہے تاہم اس کمپنی نے اب اے ٹی آر طیارے بنانا بند کر دیئے ہیں۔

Sunny

28°C

اسلام آباد

Sunny
Humidity: 48%
Wind: WSW at 6.44 km/h
Thursday 23°C / 30°C Scattered thunderstorms
Friday 22°C / 30°C Sunny
Saturday 22°C / 30°C Sunny
Sunday 23°C / 30°C Sunny
Monday 24°C / 31°C Sunny
Tuesday 27°C / 31°C Scattered thunderstorms
Wednesday 26°C / 30°C Scattered thunderstorms

تازہ ترین خبریں

کالم / بلاگ