ہیڈلائنز


نواز شریف کے پاس نہ ثبوت ہیں اور نہ ہی اس دولت کا جواب، عمران خان

Written by | روزنامہ بشارت

بنی گالہ: سربراہ پاکستان تحریک انصاف عمران خان کا کہنا ہے کہ وزیراعظم نے قوم اور پارلیمنٹ سے جھوٹ بولا جب کہ ثابت ہوگیا کہ نواز شریف کے پاس نہ ثبوت ہیں اور نہ ہی ساری دولت کا جواب۔

بنی گالہ میں میڈیا سے بات کرتے ہوئے عمران خان کا کہنا تھا کہ نعیم بخاری اور وکلا کی ٹیم کو مبارکباد دیتا ہوں، آج ہمارے وکلا نے پوری تیاری کی ہوئی تھی تاہم اب نا صرف نواز شریف بلکہ ان کے وکلا کو بھی بہت سے سوالوں کا جواب دینا پڑے گا، اب ججز شریف فیملی سے سوال کریں گے۔ ان کا کہنا تھا کہ میرے ساتھ لوگ نہ نکلتے تو پاناماکیس دب جاتا، تحریک انصاف نے جو کام کرنا تھا کردیا جب کہ وزیراعظم نے قوم اور پارلیمنٹ سے جھوٹ بولا، ثابت ہوگیا کہ نواز شریف کے پاس اپنی دولت سے متعلق نا تو کوئی ثبوت ہے اور نا ہی جواب۔

عمران خان نے کہا کہ ملکیت تسلیم کرنے کے بعد فلیٹس، کمپنیوں کا جواب دینا ہوگا، عدالت نے شریف فیملی سے ثبوت مانگ لیے ہیں اور اب ججز شریف فیملی سے سوال کریں گے۔ انہوں نے کہا کہ حسین نواز نے 5 سال میں 74 کروڑ وزیراعظم کو بھیجے اور ان پر ٹیکس نہیں دیا جو منی لانڈرنگ کے زریعے بھیجے گئے، منی لانڈرنگ کا پیسہ باہر سے دھل کرواپس آیا، 99 میں حسن نواز طالب علم تھا جب کہ گلف اسٹیل بھی نقصان میں تھی تو پیسہ کہاں سے آیا۔

سربراہ تحریک انصاف نے کہا کہ میری درخواست ہے کہ کیس کا فیصلہ یہی بینچ کرے، بینچ اس کیس کا فیصلہ کرنے کا اہل ہے اور ان کے پاس اتنی چیزیں آچکی ہیں کہ جب کہ میں مزید کچھ نہیں کہہ سکتا کیونکہ ہم بینچ کا احترام کرتے ہیں۔ ان کاکہنا تھا کہ سارا پاکستان گزشتہ 8 ماہ سےاس کیس میں پھنسا ہواہے جب کہ اس دوران نواز شریف مزید افتتاح کردیں گے اور اربوں روپے کے پل اور سڑکیں بنادیں گے

Clear

22°C

اسلام آباد

Clear
Humidity: 51%
Wind: NNE at 11.27 km/h
Friday 21°C / 28°C Sunny
Saturday 20°C / 29°C Sunny
Sunday 22°C / 28°C Mostly sunny
Monday 20°C / 27°C Mostly sunny
Tuesday 18°C / 26°C Sunny
Wednesday 18°C / 26°C Sunny
Thursday 22°C / 26°C Sunny

تازہ ترین خبریں

کالم / بلاگ