ہیڈلائنز


ریلوے کوخسارے سے نکال کر منافع بخش ادارہ بنادیا ،سعد رفیق

Written by | روزنامہ بشارت

اسلام آباد:  وزیر ریلوے خواجہ سعد رفیق نے قومی اسمبلی میں وقفہ سوالات کے دوران بتایا کہ گزشتہ تین سالوں کے دوران سوا کروڑ مسافروں کو ریل کی طرف واپس لائے ہیں، پاکستان کو تیل کی ترسیل بند ہونے کی صورت میں بھی ریلوے بیس دن چلتی رہے گی۔

وزیر ریلوے نے کہا کہ ریلوے خسارے سے نکل کر منافع بخش ادارہ بن گیا ہے، 36 ارب کا ٹارگٹ تھا جسے چالیس ارب تک لے جا رہے ہیں، مال بردار گاڑیوں کی آمدن 14 ارب تک لے کر جائیں گے۔ انہوں نے ٹرانسپورٹرز کو دعوت دی کہ وہ ان کے ساتھ مل کر ریل چلائیں۔

انہوں نے کہا کہ ریلوے کی زمین ہماری تھی لیکن کاغذات میں صوبوں نے اپنے نام لکھی ہوئی ہے، پختونخوا کے علاوہ کسی صوبے نے زمین ریلوے کے نام نہیں کی، سپریم کورٹ کے فیصلے پر پنجاب سمیت تینوں صوبوں نے عمل نہیں کیا، کچی آبادی اور کمرشل زمین کے قابضین کو نہیں چھوڑیں گے۔

انہوں نے مزید کہا کہ لوگ دو ہزار دے کر سٹے آرڈر لے آتے ہیں اور عدالتیں سرکار کا مؤقف بھی نہیں سنتیں۔ انہوں نے کہا کہ سیاسی بنیادوں پر ریلوے کے سٹاپ بنوائے گئے، ریلوے کے معاملے پر کسی رکن پارلیمنٹ کی سفارش نہیں مانوں گا، ریلوے کی زمین پر قبرستان بنانا ہے تو ریلوے کو ہی قبرستان بنا دیں۔

خواجہ سعد رفیق نے مزید کہا کہ بدین کی ریل بند نہیں کریں گے لیکن خسارے میں بھی نہیں چلائیں گے

 

Cloudy

21°C

اسلام آباد

Cloudy
Humidity: 41%
Wind: WNW at 11.27 km/h
Saturday 11°C / 14°C Scattered showers
Sunday 11°C / 18°C Partly cloudy
Monday 13°C / 20°C Cloudy
Tuesday 14°C / 22°C Mostly cloudy
Wednesday 15°C / 21°C Partly cloudy
Thursday 13°C / 20°C Cloudy
Friday 13°C / 16°C Scattered showers

تازہ ترین خبریں

کالم / بلاگ