ہیڈلائنز


عالمی طاقتوں اور بھارت کے درمیان معاہدے مسئلہ کشمیر کے حل میں رکاوٹ ہیں، مسعود خان

Written by | روزنامہ بشارت

مظفرآباد: آزاد کشمیر کے صدر مسعودخان کا کہنا ہے کہ دنیا کی بڑی طاقتوں اور بھارت کے درمیان معاشی معاہدے مسئلہ کشمیر کو حل کرنے کی راہ میں سب سے بڑی رکاوٹ ہیں۔ مظفر آباد میں پریس کانفرنس کرتے ہوئے آزاد کشمیر کے صدر مسعود خان کا کہنا تھا کہ اقوام متحدہ متحدہ اور عالمی برادری کا مسئلہ کشمیر پر محتاط رویہ انتہائی افسوس ناک ہے مغربی ممالک کے محتاط رویئے کے باوجود برطانیہ اور ناروے اس مسئلے کو حل کرنے کے حوالے سے اپنا کردار ادا کرنے کے لئے تیار ہیں لیکن دنیا کی بڑی طاقتوں اور بھارت کے درمیان معاشی معاہدے مسئلہ کشمیر کو حل کرنے کی راہ میں بڑی رکاوٹ ہیں۔مسعود خان کا کہنا تھا کہ بھارت وادی میں جتنے بھی وفود بھیجے کشمیری اس کا اثر قبول نہیں کریں گے آزادی کی تحریکوں اور دہشت گردی میں زمین آسمان کا فرق ہوتا ہے مقبوضہ کشمیر میں جاری  آزادی کی تحریک کشمیری عوام کی اپنی شروع کردہ ہے اس میں کسی بھی کالعدم  یا جہادی تنظیموں کا کوئی کردار نہیں۔ ان کا کہنا تھا کہ دورہ امریکا کےدوران اہم رہنماؤں  سےمسئلہ کشمیرپربات ہوئی، مسئلہ کشمیر پردنیا کی حمایت حاصل کرنےکےلئےمحنت کی ضرورت ہے۔

Cloudy

15°C

اسلام آباد

Cloudy
Humidity: 62%
Wind: NNW at 17.70 km/h
Saturday 11°C / 13°C Scattered showers
Sunday 10°C / 17°C Partly cloudy
Monday 13°C / 21°C Cloudy
Tuesday 15°C / 21°C Partly cloudy
Wednesday 13°C / 21°C Mostly cloudy
Thursday 12°C / 19°C Rain
Friday 10°C / 17°C Partly cloudy

تازہ ترین خبریں

کالم / بلاگ