ہیڈلائنز


این ایف سی ایوارڈ میں تاخیر، چاروں صوبوں کا وزیراعظم کو خط لکھنے کا فیصلہ

Written by | روزنامہ بشارت

اسلام آباد: ملک کے چاروں صوبوں نے وفاق کی جانب سے قومی مالیاتی کمیشن ایوارڈ میں تاخیرپروزیراعظم نوازشریف کوخط لکھنے کا فیصلہ کیا ہے۔ یہ فیصلہ قومی مالیاتی کمیشن ایوارڈکے ورکنگ گروپ سندھ کے اجلاس میں کیا گیا اجلاس کی صدارت سینیٹر سلیم مانڈوی والا نے کی اوراجلاس کو بتایا کہ این ایف سی ایوارڈ میں تاخیر پر ان کی دیگر صوبوں کے این ایف سی ممبران سے بات چیت ہوئی ہے اورسب صوبے این ایف سی ایوارڈکی جلد تکمیل اور اعلان چاہتے ہیں۔ اس حوالے سے جاری اعلامیہ میں بتایا گیاکہ ورکنگ گروپ سندھ کے اجلاس میں فیصلہ کیا گیا کہ نئے این ایف سی ایوارڈکی تاخیر پر چاروں صوبے وزیراعظم نواز شریف کوخط لکھیں گے تاکہ وفاق اور صوبوں کے درمیان این ایف سی ایوارڈ کے اجرا پر مذاکرات شروع ہوسکیں۔ اجلاس میں صوبوں کو تیل و گیس کی رائلٹی اور اشیا پرسیلزٹیکس کی وصولی کا حق دینے کا مطالبہ بھی کیاگیا، سینیٹرسلیم مانڈوی والا نے کہا  اٹھارویں آئینی ترمیم کے بعد رائلٹی کی وصولی کااختیار صوبوں کودیاجائے جبکہ اشیا پرسیلزٹیکس کی وصولی بھی صوبوں کے حوالے کی جائے۔وفاقی حکومت صوبوں کے اختیارات اپنے پاس نہیںرکھ سکتی نئے این ایف سی ایوارڈمیں صوبوں کے اختیارات بڑھانے پربات کی جائیگی۔ سینیٹر سلیم مانڈوی والانے کہاکہ وفاقی حکومت گذشتہ چارسال سے نئے این ایف سی ایوارڈ کی راہ میں رکاوٹیں کھڑی کرررہی ہے جس سے ثابت ہوتا ہے کہ اسے صوبوںکو انکے آئینی حقوق دینے میں کوئی دلچسپی نہیں۔

Mostly cloudy

10°C

اسلام آباد

Mostly cloudy
Humidity: 57%
Wind: NNW at 11.27 km/h
Friday 10°C / 19°C Mostly sunny
Saturday 11°C / 20°C Mostly sunny
Sunday 11°C / 20°C Mostly sunny
Monday 11°C / 19°C Sunny
Tuesday 11°C / 17°C Sunny
Wednesday 11°C / 18°C Mostly sunny
Thursday 11°C / 17°C Mostly sunny

تازہ ترین خبریں

کالم / بلاگ