ہیڈلائنز


اسلام آباد کو لاک ڈاؤن کردیا گیا

Written by | روزنامہ بشارت

 حکومت نے دارلحکومت لاک ڈاؤن کردیا، تحریک انصاف کے کارکنوں کو روکنے کے لئے اسلام آباد کے داخلی راستے کنٹینرز لگا کر بند کردیئے گئے ہیں۔

تفصیلات کے مطابق تحریک انصاف کے کارکنوں کی اسلام آباد میں انٹری روکنے کے لئے پنجاب حکومت ایکشن میں آگئی، اسلام آباد سے ملحقہ علاقے، شاہراہیں اور موٹر ویز کو کنٹینر اسٹیٹ بنا دیا گیا۔پشاور اسلام آباد موٹر وے کو مختلف مقامات پر بند کر دیا گیا، صوابی انٹر چینج پرخیبر پختونخوا سے آنے والی ٹریفک کے آگے کنٹینرز اور ریت کے پہاڑ کھڑے کر دیئے گئے ہیں۔اٹک خیرآباد پُل بھی ٹریفک کیلئے بند ہے، حضرو کے مقام پر موٹر وے پر ریت کی ٹیلے اور دیوہیکل رکاوٹیں کھڑی کی گئی ہیں۔

جنوبی پنجاب اورڈیرہ اسماعیل خان سے پی ٹی آئی قافلوں کو روکنے کے لئے بھکر پولیس ایکشن میں آگئی، بھکر سے گزرنے والے ٹرالرز پکڑلئے جبکہ گوجرانوالہ میں بھی مختلف مقامات پر کنٹینرز رکھوا دیئے گئے ہیں۔ دوسری جانب وفاقی حکومت نے تحریک انصاف کے چیئرمین عمران خان سمیت 94 اہم رہنماؤں کی گرفتاری کا فیصلہ کرتے ہوئے فہرست تیار کرلی جس میں شاہ محمود قریشی، جہانگیر ترین، شیریں مزاری، علیم ڈار، اسد عمر سمیت دیگر اہم نام شامل ہیں۔

یاد رہے کہ گزشتہ روز تحریک انصاف کے سربراہ عمران خان کا کہنا تھا کہ کارکنان تمام رکاوٹیں ہٹاکر کل اسلام آباد بنی گالہ پہنچیں، لوگوں کو اسلام آباد آنے سے روکا جارہاہے، یہ کون سی جمہوریت ہے کہ آپ لوگوں کو بند کریں اور جیلوں میں ڈالیں

Clear

26°C

اسلام آباد

Clear
Humidity: 77%
Wind: E at 11.27 km/h
Sunday 23°C / 29°C Thunderstorms
Monday 22°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms
Saturday 22°C / 28°C Thunderstorms

تازہ ترین خبریں

کالم / بلاگ