ہیڈلائنز


اسلام آباد میں پولیس اور تحریک انصاف کے درمیان تصادم، 50 کارکن گرفتار

Written by | روزنامہ بشارت

اسلام آباد: بنگش روڈ پر پولیس اور تحریک انصاف کے کارکنوں کے درمیان تصادم کے بعد بنی گالہ جانے کی کوشش کرنے والے پی ٹی آئی کے 50 کارکنوں کو پولیس نے حراست میں لے لیا۔ تفصیلات کے مطابق تحریک انصاف کے 2 نومبر کے دھرنے سے قبل پولیس کی جانب سے پی ٹی آئی کارکنوں کی پکڑ دھکڑ کا سلسلہ جاری ہے جب کہ بنگش روڈ کے ذریعے بنی گالہ جانے والے پی ٹی آئی کارکنوں اور پولیس کے درمیان تصادم بھی ہوا۔ تحریک انصاف کے کارکنوں کی جانب سے پولیس پر پتھراؤ کیا گیا جب کہ پولیس کی جانب سے آنسو گیس کے شیل فائر کئے گئے، بعد ازاں پولیس نے زبردستی بنی گالہ جانے کی کوشش کرنے والے 50 افراد کو حراست میں لے لیا۔تحریک انصاف کے رہنماؤں چوہدری سرور، عظمیٰ کاردار اور اور مسرت چیمہ نے بھی بنی گالہ جانے کی کوشش کی جب کہ پولیس نے عظمیٰ کاردار اور مسرت چیمہ کو عمران خان چوک پر روک لیا۔ اس کے علاوہ بنگش روڈ پر چیکنگ کے دوران تحریک انصاف سے تعلق رکھنے والے خیبر پختونخوا کے وزیر علی امین گنڈا پور کی گاڑی سے اسلحہ، آنسو گیس شیل فائر کرنے والی گن، بلٹ پروف جیکٹس اور گولیاں بھی برآمد ہوئیں جب کہ علی امین گنڈا پور فرار ہو گئے۔

Scattered thunderstorms

26°C

اسلام آباد

Scattered thunderstorms
Humidity: 75%
Wind: N at 6.44 km/h
Tuesday 22°C / 28°C Thunderstorms
Wednesday 23°C / 29°C Thunderstorms
Thursday 22°C / 27°C Thunderstorms
Friday 21°C / 24°C Thunderstorms
Saturday 22°C / 28°C Thunderstorms
Sunday 23°C / 28°C Thunderstorms
Monday 23°C / 28°C Sunny

تازہ ترین خبریں

کالم / بلاگ