ہیڈلائنز


آن لائن پاسپورٹ کا افتتاح، جون تک رائج کردیں گے،وزیر داخلہ چوہدری نثار

Written by | روزنامہ بشارت

اسلام آباد: وزیر داخلہ چوہدری نثار علی خان نے کہا ہے کہ آن لائن پاسپورٹ کی سروس کا افتتاح کردیا گیا ہے تاہم آئندہ جون تک عوام کے لیے ای پاسپورٹ کا مکمل آغاز  اور جلد آن لائن پاسپورٹ کا سسٹم رائج ہوجائے گا۔

 

ان خیالات کا اظہار انہوں نے نادرا ہیڈ کوارٹر پر ای پاسپورٹ کے افتتاح کے بعد میڈیا سے گفتگو کرتے ہوئے کیا۔

 

چوہدری نثار علی خان کا کہنا تھا کہ 2 سال کے اندر پاکستان کے طول و عرض اور عالمی سطح پر آن لائن پاسپورٹ کے سلسلے کو پھیلایا جائے گا جو 10 سال کی مدت کے لیے ہوگا، سروس ابتدائی طور پر بیرون ملک مقیم پاکستانیوں کے لیے شروع کی گئی ہے تاہم پہلے مرحلے میں ڈپلومیٹک اور آفیشل پاسپورٹ تیار یے جائیں گے۔

 

وزیر داخلہ نے کہا کہ ملکی مسائل حل کرنے کے لیے تیزی سے کام کرنا ہوگا, ای پاسپورٹ کی سہولت سے سب کو فائدہ ہوگا، انہوں نے کہا کہ ایک سال میں پاسپورٹ کے 72 نئے دفاتر بنائے جائیں گے اور ہر ضلع میں دفتر قائم کیا جائے گا، ای پاسپورٹ کے بعد پاکستانیوں کو دنیا بھر میں عزت کی نگاہ سے دیکھا جائے گا۔

 

چوہدری نثار علی خان کا کہنا تھا کہ کسی بھی شخص کا نام ای سی ایل میں شامل کرنے سے قبل تحقیقات کی جاتی ہیں، اندرونی مٹینگ کی بے بنیاد باتیں خبر بنا کر شائع کرنے والے ادارے اور صحافیوں کو قانون کے کٹہرے میں لایا جائے گا۔

 

 

 

Sunny

25°C

اسلام آباد

Sunny
Humidity: 57%
Wind: WNW at 6.44 km/h
Friday 23°C / 30°C Sunny
Saturday 24°C / 30°C Sunny
Sunday 25°C / 30°C Sunny
Monday 23°C / 30°C Sunny
Tuesday 25°C / 31°C Sunny
Wednesday 24°C / 30°C Sunny
Thursday 24°C / 30°C Sunny

تازہ ترین خبریں

کالم / بلاگ