ہیڈلائنز


الیکشن کمیشن کے دو اعلیٰ عہدوں پر تقرریاں خلاف ضابطہ قرار

Written by | روزنامہ بشارت

اسلام آباد: آڈیٹرجنرل نے الیکشن کمیشن کے دواعلیٰ عہدوں پرتقرریوں کو خلاف ضابطہ قراردے دیا ہے۔ تفصیلات کے مطابق آڈیٹرجنرل آف پاکستان کی جانب سے قومی اسمبلی میں پیش کی گئی رپورٹ میں کہا گیا ہے کہ بریگیڈئیرریٹائرڈ عباس خان کو19 مئی 2015 کوڈی جی ایڈمن تعینات کیا گیا، ڈی جی ایڈمن کے عہدے پرتقرری الیکشن کمیشن کے 1989 کے رولزکے برعکس ہے، کسی بھی ادارے میں ریٹائرڈ فوجی افسرکی تعیناتی کے لیے وزارت دفاع سے مشاورت ضروری ہے۔ ایڈیشنل ڈی جی جینڈرافیئرزکی تقرری میں بھی قواعد کو ملحوظ خاطرنہیں رکھا گیا۔ ایڈیشنل ڈی جی کے عہدے پرتعینات کی گئی افسر16 سالہ تجربے کی حامل نہیں، متعلقہ عہدے پرتقرری کے لیے امیدواروں کے انٹرویوزکا ریکارڈ مرتب نہیں کیا گیا، اس کے علاوہ گریڈ 20 کے عہدے کے لیے مجاز اتھارٹی سے منظوری نہیں لی گئی۔ آڈیٹرجنرل آف پاکستان نے اپنی رپورٹ میں سفارش کی ہے کہ خلاف قواعد تقرری کے ذمہ داران کے تعین کیا جائے۔ دوسری جانب الیکشن کمیشن کی آڈٹ رپورٹ قومی اسمبلی میں بھی پیش کردی گئی ہے، جس میں انکشاف کیا گیا ہے کہ الیکشن کمیشن نے دیگرمحکموں کے ملازمین کو12 لاکھ 55 ہزارروپے اعزازیہ دے ڈالا جو کہ قواعد کے برعکس دیا گیا۔

Clear

10°C

اسلام آباد

Clear
Humidity: 52%
Wind: N at 11.27 km/h
Tuesday 9°C / 13°C Rain
Wednesday 6°C / 15°C Sunny
Thursday 6°C / 15°C Sunny
Friday 10°C / 16°C Sunny
Saturday 10°C / 16°C Partly cloudy
Sunday 10°C / 15°C Mostly sunny
Monday 7°C / 13°C Partly cloudy

تازہ ترین خبریں

کالم / بلاگ