ہیڈلائنز


وفاقی کابینہ کی ایل او سی پر بھارتی جارحیت کی مذمت اور اظہار تشویش

Written by | روزنامہ بشارت

اسلام آباد: وفاقی کابینہ نے مقبوضہ کشمیر میں بھارتی مظالم اور ایل او سی پر جارحیت پر مذمت اور تشویش کا اظہار کیا ہے۔ اسلام آباد میں وزیر اعظم نوازشریف کی زیرصدارت وفاقی کابینہ کا خصوصی اجلاس جاری ہے۔ اجلاس میں سیکرٹری خارجہ اعزاز چوہدری نے وزیراعظم کے دورہ امریکا میں عالمی رہنماؤں سےملاقاتوں اور اس دوران مسئلہ کشمیر اجاگر کیے جانے کے امور سے متعلق بھی آگاہ کیا۔ سیکرٹری خارجہ نے پاک بھارت سرحدی صورتحال پر بھی بریفنگ دی جب کہ وزیردفاع خواجہ آصف نے سرحدی سیکیورٹی صورتحال سے آگاہ کیا، وفاقی کابینہ نے مقبوضہ کشمیر میں بھارتی مظالم اور ایل او سی پر جارحیت پر مذمت اور تشویش کا اظہار کیا۔ اجلاس کے دوران وزیر اعظم نے کہا کہ کشمیر تقسیم ہند کا نامکمل ایجنڈا ہے، مقبوضہ کشمیر میں جاری بھارتی اندھادھند بربریت ناقابل قبول ہے، پاکستان کشمیریوں کی اخلاقی،سفارتی،سیاسی حمایت جاری رکھےگا، بھارتی افواج کےمظالم کشمیریوں کےجذبہ حریت کو نہیں کچل سکتے، ہمیں پاکستان کی مسلح افواج پر فخر ہے جوملکی سرحدوں کی حفاظت کیلئے تیار ہیں، جارحیت برداشت نہیں، ہماری خاموشی کو کمزوری نہ سمجھا جائے، دفاع وطن کے لیے قوم کا بچہ بچہ تیار ہے، ہر کارروائی کا منہ توڑ جواب دیں گے، پاکستان کی سرزمین پر میلی نگاہ ڈالنے کی اجاز ت نہیں دی جائے گی۔ کابینہ کے اجلاس میں دہشت گردوں کی مالی معاونت روکنے کیلیے سفارشات منظوری کے لیے پیش کی جائیں گی، اس کے علاوہ مشترکہ مفادات کونسل کے اسلام آباد میں مستقل سیکرٹریٹ کے قیام اور مختلف ملکوں سے یادداشتوں کے مسودوں کی بھی منظوری دی جارہی ہے۔

Clear

7°C

اسلام آباد

Clear
Humidity: 52%
Wind: NNW at 17.70 km/h
Monday 10°C / 19°C Partly cloudy
Tuesday 11°C / 19°C Partly cloudy
Wednesday 13°C / 19°C Sunny
Thursday 11°C / 18°C Sunny
Friday 10°C / 17°C Sunny
Saturday 9°C / 16°C Partly cloudy
Sunday 11°C / 16°C Mostly cloudy

تازہ ترین خبریں

کالم / بلاگ