ہیڈلائنز


پاکستان اور ایران کے عوام کے دل ایک ساتھ دھڑکتے ہیں، پاک ایران سربراہان ملاقات

Written by | روزنامہ بشارت

نویارک: وزیراعظم محمد نواز شریف اور ایران کے صدر حسن روحانی نے نیویارک میں اقوام متحدہ کی جنرل اسمبلی کے اجلاس کے موقع پر بدھ کو ملاقات کی اور دوطرفہ تعلقات، خطے کی صورتحال اور باہمی دلچسپی کے دیگر امور کے بارے میں تبادلہ خیال کیا۔ دونوں رہنماﺅں نے پاکستان اور ایران کے درمیان دوطرفہ تعلقات میں مثبت پیشرفت پر اطمینان کا اظہار کیا۔ انہوں نے پاک ایران گیس پائپ لائن پراجیکٹ پر پیشرفت پر بھی اطمینان کا اظہار کیا اور کہا کہ گوادر اور چاہ بہار بندرگاہیں خطہ میں تجارت کے فروغ کے سلسلے میں معاون کردار ادا کریں گی۔ انہوں نے اس بات سے اتفاق کیا کہ شام کے مسئلے کے پرامن حل کیلئے عالمی کوششیں جاری رہنی چاہئیں۔ ایرانی صدر نے کہا کہ پاکستان اور ایران کی سکیورٹی ایک دوسرے سے جڑی ہوئی ہے اور ایران، پاکستان کی ترقی کو اپنی ترقی سمجھتا ہے۔ انہوں نے کہا کہ دفاعی شعبہ میں دونوں ممالک کے درمیان تعاون میں اضافے کی ضرورت ہے، پاکستان اور ایران کے عوام کے دل ایک ساتھ دھڑکتے ہیں۔ انہوں نے اقتصادی راہداری کیلئے وزیراعظم نواز شریف کے وژن کو سراہا اور کہا کہ ایران کوریڈور سے منسلک ہونا چاہتا ہے، دونوں ممالک کا مستقبل روشن ہے۔ انہوں نے وزیراعظم نواز شریف کو دورہ ایران کی دعوت بھی دی۔

وزیراعظم محمد نواز شریف نے کہا کہ ایران پر معاشی پابندیاں ہٹائے جانے کے بعد پاکستان اس کے ساتھ دوطرفہ تجارتی حجم دگنا کرنے کی خواہش رکھتا ہے۔ انہوں نے کہا کہ ایران پاکستان گیس پائپ لائن اور توانائی کے دیگر منصوبوں کیلئے فوکل پرسن متعین کئے جائیں گے۔ وزیراعظم نواز شریف نے کہا کہ وہ 1967ء سے ایران کا دورہ کر رہے ہیں اور انہیں تہران اور ایران کے عوام سے لگاﺅ ہے۔ انہوں نے دونوں ممالک کے درمیان تجارتی اور معاشی تعاون کی راہ میں حائل فنی رکاوٹیں دور کرنے کی ضرورت پر زور دیا۔ وزیراعظم نے ایرانی صدر کو مقبوضہ کشمیر کے بے گناہ عوام پر بھارت کی جانب سے ڈھائے جانے والے مظالم سے بھی آگاہ کیا۔ انہوں نے کہا کہ کشمیری عوام بھارتی ریاستی دہشتگردی کا سامنا کر رہے ہیں۔ انہوں نے امت مسلمہ کے درمیان اتحاد و یکجہتی کی ضرورت پر زور دیا۔

Partly cloudy

21°C

اسلام آباد

Partly cloudy
Humidity: 31%
Wind: NNW at 11.27 km/h
Saturday 11°C / 21°C Mostly sunny
Sunday 11°C / 20°C Mostly sunny
Monday 12°C / 18°C Mostly sunny
Tuesday 11°C / 18°C Sunny
Wednesday 11°C / 18°C Sunny
Thursday 11°C / 17°C Sunny
Friday 9°C / 17°C Sunny

تازہ ترین خبریں

کالم / بلاگ