ہیڈلائنز


پاکستان سے دہشتگردی کا خاتمہ ہو رہا ہے، وزیراعظم نواز شریف

Written by | روزنامہ بشارت

نیویارک: وزیراعظم نواز شریف  کا کہنا ہے کہ کشمیریوں کےحق خودارادیت کی ہرسطح پرحمایت جاری رکھیں گے اور بھارت کو کشمیری عوام کی خواہشات کا احترام کرنا ہوگا۔ نیویارک میں پاکستانی کمیونٹی سے ملاقات میں زیراعظم نواز شریف کا کہنا تھا کہ پاکستان ایشیا کی ابھرتی ہوئی معیشت کے طور پر سامنے آرہا ہے جب کہ دنیا پاکستان کو معاشی لحاظ سے مستحکم اور مضبوط ملک سمجھتی ہے، جس کے باعث آج کا پاکستان 2013 کے پاکستان  سے کہیں بہتر ہے۔ ان کا کہنا تھا کہ ملک میں سلامتی کی صورتحال میں واضح بہتری آئی ہے اور ملک سےدہشت گردی کاخاتمہ ہورہاہے، ہماری توجہ ملک سے دہشت گردی اورانتہاپسندی کے خاتمے پر مرکوز ہے جب کہ راہداری منصوبے سے خطے کی تقدیر بدلے گی۔ وزیراعظم نوازشریف نے کہا کہ کشمیریوں کےحق خودارادیت کی ہرسطح پرحمایت جاری رکھیں گے، مسئلہ کشمیرکاحل اقوام متحدہ کی قراردادوں پر عملدرآمد میں ہے اور بھارت کو کشمیری عوام کی خواہشات کا احترام کرنا ہوگا لہذا بھارت مقبوضہ کشمیرمیں انسانی حقوق کی خلاف ورزیاں بند کرے ، مقبوضہ کشمیر میں نسلیں جدوجہد آزادی کو آگے لے کر چل رہی ہیں اور کشمیری نوجوانوں نے جدوجہدآزادی میں نئی روح پھونک دی ہے۔

Clear

27°C

اسلام آباد

Clear
Humidity: 80%
Wind: N at 6.44 km/h
Saturday 25°C / 30°C Thunderstorms
Sunday 23°C / 29°C Thunderstorms
Monday 22°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms

تازہ ترین خبریں

کالم / بلاگ