ہیڈلائنز


پاک بحریہ دہشت گردوں کے خلاف قومی ایکشن پلان میں اپنا کردارجاری رکھے گی, سربراہ پاک بحریہ

Written by | روزنامہ بشارت

اسلام آباد: 

 

چیف آف نیول اسٹاف ایڈمرل محمد ذکاء اللہ کا کہنا ہے کہ پاک بحریہ دہشت گردوں کے خلاف قومی ایکشن پلان اور آپریشن ضرب عضب میں اپنا کردارجاری رکھے گی۔

ایکسپریس نیوز کے مطابق 51 ویں یوم دفاع کے موقع پراپنے پیغام میں نیول چیف ایڈمرل محمد ذکا ء اللہ نے کہا کہ پاک بحریہ روایتی اورغیرروایتی خطرے سے محفوظ رکھنے کے لیے چوکنا ہے، پاک بحریہ کے غازیوں اورشہداء نے ملک کے دفاع کے لیے شجاعت کی نئی داستانیں رقم کی ہے۔

ایڈمرل ذکا ء اللہ کا کہنا تھا کہ ایمان، اتحاد، تنظیم جیسے اصولوں پرعمل ہی ہمیں چیلنجزکےقابل بناسکتا ہے، دشمن کی موجودہ حکمت عملی اس بات کی متقاضی ہے کہ ہم ہمہ وقت چوکنا رہیں، ہمیں پوری دانشمندی کے ساتھ باہم مل جل کرکام کرنا ہوگا۔

سربراہ پاک بحریہ نے کہا کہ پاک چین اقتصادی راہداری کے تناظرمیں ملک کی ساحلی پٹی بالخصوص گوادرمیں میری ٹائم سکیورٹی مزیداہمیت اختیارکرگئی ہے۔ پاک بحریہ ملکی بندرگاہوں اوربحری تنصیبات کومحفوظ رکھنے کے لیے چوکنا ہے، پاک بحریہ قومی ایکشن پلان اورضرب عضب میں اپنا کردار جاری رکھے گی۔

Sunny

28°C

اسلام آباد

Sunny
Humidity: 65%
Wind: SSE at 11.27 km/h
Saturday 25°C / 30°C Thunderstorms
Sunday 23°C / 29°C Thunderstorms
Monday 22°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 26°C Thunderstorms
Friday 21°C / 26°C Thunderstorms

تازہ ترین خبریں

کالم / بلاگ