ہیڈلائنز


ایم کیو ایم کا الطاف حسین کیخلاف قومی اسمبلی میں قرارداد جمع کرائے جانے کا امکان

Written by | روزنامہ بشارت

کراچی: متحدہ قومی مومنٹ پاکستان کی جانب سے اشتعال انگیز تقاریر پر ایم کیو ایم کے بانی الطاف حسین کے خلاف قومی اسمبلی میں قرارداد پیش کئے جانے کا امکان ہے۔ تفصیلات کے مطابق ایم کیو ایم پاکستان کے اراکین قومی اسمبلی کی جانب سے ایک متن تیار کیا جا رہا ہے جس میں کہا جائے گا کہ ریاست کے خلاف متحدہ کے بانی کی جانب سے کی جانے والی اشتعال انگیز تقاریر کا ایم کیوایم سے کوئی تعلق نہیں۔ ذرائع کا کہنا ہے کہ ایم کیو ایم پاکستان کے سربراہ فاروق ستار آئندہ ہفتے ہونے والے قومی اسمبلی کے اجلاس میں یہ قرارداد اسپیکر قومی اسمبلی کو پیش کریں گے۔

دوسری جانب ایم کیو ایم نے کنور نوید جمیل کی قومی اسمبلی کے اجلاس میں شرکت کے لئے درخواست بھی جمع کرادی جب کہ کراچی میں انسداد دہشت گردی کی عدالت میں پیشی کے موقع میڈیا کے نمائندوں سے بات کرتے ہوئے  کنور نوید جمیل نے  الطاف حسین سے لا تعلقی کا اعلان کرتے ہوئے کہا کہ ہماری بھی پالیسی وہی ہے جو ایم کیو ایم پاکستان کی  ہے۔ واضح رہے کہ  پیپلز پارٹی کی جانب سے الطاف حسین کے خلاف پہلے ہی قومی اسمبلی میں قرارداد جمع کرائی جا چکی ہے۔

Thunderstorms

30°C

اسلام آباد

Thunderstorms
Humidity: 66%
Wind: WNW at 6.44 km/h
Sunday 22°C / 29°C Thunderstorms
Monday 23°C / 28°C Thunderstorms
Tuesday 23°C / 28°C Thunderstorms
Wednesday 23°C / 28°C Thunderstorms
Thursday 22°C / 27°C Thunderstorms
Friday 22°C / 26°C Thunderstorms
Saturday 20°C / 26°C Thunderstorms

تازہ ترین خبریں

کالم / بلاگ