ہیڈلائنز


نواز شریف اپنی کرپشن چھپانے کے لیے ریاستی ادارے تباہ کررہے ہیں,عمران خان

Written by | روزنامہ بشارت

اسلام آباد: پاکستان تحریک انصاف کے چیئرمین عمران عمران خان کہتے ہیں کہ وزیر اعظم نواز شریف اپنی کرپشن چھپانے کے لیے ریاست کے تمام ادارے تباہ کررہے ہیں۔

بنی گالا اسلام آباد میں میڈیا کے نمائندوں سے بات کرتے ہوئے عمران خان نے کہا کہ ملک میں امیر اور غریب کے لیے الگ الگ قانون ہیں اورجب جنرل مشرف کے دور میں 8 دن جیل کاٹی تو وہاں صرف غریب ہی دیکھے، ملک کے سارے بڑے بڑے ڈاکو پارلیمنٹ میں ہیں، نیب اور ایف بی آر کی ساکھ بالکل ختم ہوگئی ہے، پاناما اسکینڈل کو کوئی مسترد نہیں کر سکتا لیکن نیب نے اب تک نوٹس جاری نہیں کیا۔ ان کا کہنا تھا کہ آئین کے آرٹیکل 90 کے مطابق وزیراعظم پارلیمنٹ کو جوابدہ ہیں لیکن وزیراعظم نے پارلیمنٹ میں آکر جھوٹ بولا، وہ اپنی کرپشن چھپانے کے لیے ملک کے تمام اداروں کو تباہ کررہے ہیں۔

چیئرمین تحریک انصاف کا کہنا تھا کہ الیکشن کمیشن کا ریکارڈ مایوس کن ہے،7ستمبر کوالیکشن کمیشن کا امتحان ہے، اب اسے ثابت کرنا ہے کہ الیکشن کمیشن آف(ن) لیگ نہیں۔ حکومت مخالف جلسوں سے متعلق عمران خان نے کہا کہ وہ اپوزیشن لیڈر ہیں، ملک میں پھیلی کرپشن کی وجہ سے اداروں کی تباہی پر آواز بلند کرنا ان کا فرض ہے۔

 
 
Clear

21°C

اسلام آباد

Clear
Humidity: 77%
Wind: WNW at 11.27 km/h
Tuesday 22°C / 30°C Sunny
Wednesday 23°C / 30°C Sunny
Thursday 23°C / 31°C Sunny
Friday 24°C / 31°C Sunny
Saturday 25°C / 31°C Sunny
Sunday 25°C / 30°C Sunny
Monday 22°C / 29°C Sunny

تازہ ترین خبریں

کالم / بلاگ