ہیڈلائنز


چینی صدر کے دورہ بھارت پر تشویش ہے نہ دوستی متاثر ہوگی، پاکستان

Written by | روزنامہ بشارت

اسلام آباد: دفترخارجہ کی ترجمان تسنیم اسلم نے کہا ہے کہ چینی صدر نے جلد پاکستان آنے کی یقین دہانی کرائی ہے۔

اقوام متحدہ کی جنرل اسمبلی کے اجلاس کے دوران وزیراعظم نوازشریف کی بھارتی وزیراعظم نریندر مودی سے ملاقات کا کوئی امکان نہیں۔ چینی صدر کے دورہ بھارت پرتشویش ہے نہ ہی اس سے پاک چین دوستی پر کوئی فرق نہیں پڑے گا۔ غیرملکی سفیروں کی طاہرالقادری سے ملاقاتوں کی دفتر خارجہ سے کوئی اجازت نہیں لی گئی۔ افغانستان سے مسلسل دہشت گرد حملوں پرپاکستان کو سخت تشویش ہے۔ اس حوالے سے افغان حکومت سے احتجاج کرچکے ہیں۔

ہفتہ وار میڈیا بریفنگ کے دوران ترجمان دفتر خارجہ نے کہا کہ شنگھائی تعاون تنظیم کے اجلاس کے دوران چینی صدرژی جن پنگ نے مشیرخارجہ سرتاج عزیزسے ملاقات میں یقین دہانی کرائی کہ وہ جلدپاکستان کا دورہ کریں گے۔ افغانستان سے مسلسل دہشت گرد حملوں بارے سوال کے جواب میں ان کا کہنا تھا کہ پاکستان ایک ذمے دار ملک ہے۔ ہم نے پہلے بھی اس حوالے سے افغان حکومت سے احتجاج کیا جبکہ 2 روز قبل افغان صوبے پکتیکا سے 100 دہشت گردوں کے شمالی وزیرستان میں حملے پر بھی افغان حکومت سے احتجاج کیا ہے۔

افغانستان سے کہا ہے کہ وہ اپنی سرزمین پر دہشت گردوں کا خاتمہ کرے۔ ایک اور سوال کے جواب میں انھوں نے کہا کہ غیر ملکی سفیروں کی علامہ طاہرالقادری سے ملاقاتوں بارے اخبارات میں ضرورپڑھا تاہم اس بابت دفتر خارجہ سے کوئی اجازت نہیں لی گئی۔ انھوں نے کہا کہ سیلاب متاثرین کی بحالی کیلیے عالمی برادری سے مدد کی اپیل نہیں کی تاہم عالمی ادارہ خوراک (ڈبلیو ایف پی) سمیت بین الاقوامی ادارے سیلاب متاثرین کو معاونت فراہم کر رہے ہیں۔

Clear

18°C

اسلام آباد

Clear
Humidity: 47%
Wind: NW at 11.27 km/h
Sunday 20°C / 27°C Partly cloudy
Monday 18°C / 27°C Sunny
Tuesday 18°C / 26°C Sunny
Wednesday 18°C / 27°C Mostly sunny
Thursday 22°C / 25°C Sunny
Friday 20°C / 25°C Sunny
Saturday 21°C / 25°C Sunny

تازہ ترین خبریں

کالم / بلاگ