ہیڈلائنز


پاکستان تحریک انصاف نے پاناما لیکس پر حکومتی رویے کے خلاف ہفتہ وار احتجاجی مارچ کا اعلان کردیا ہے

Written by | روزنامہ بشارت

پارٹی کے مرکزی ترجمان نعیم الحق نے اسلام آباد میں تحریک انصاف کے اجلاس کے بعد میڈیا سے بات کرتے ہوئے  کہا کہ اجلاس میں پاناما لیکس کی بنیاد پر حکومت کو وزیر اعظم اور ان کے اہل خانہ کے اثاثوں کی تحقیقات کرانے کے لیے احتجاجی تحریک پر غور کیا گیا۔ اجلاس میں فیصلہ کیا گیا کہ عمران خان کی قیادت میں پاناما لیکس پر ہر ہفتے الگ الگ شہروں میں مارچ کیا جائے گا۔ 7 اگست کو پاناما لیکس کے خلاف پشاور سے راولپنڈی مارچ ہوگا، عمران خان پشاور سے ہی مارچ کی قیادت کریں گے، جس کے بعد 13 اور 14 اگست کو بھی احتجاج کیا جائے گا۔نعیم الحق نے کہا کہ 6 اگست کو ٹی آو آر کمیٹی کا اجلاس بلایا گیا ہے، تحریک انصاف اس اجلاس میں شرکت کرے گی ، ٹی او آر کمیٹی کے اجلاس میں حکومتی رویہ دیکھ کر آئندہ کی حکمت عملی کا اعلان کریں گے۔ انہوں نے کہا کہ  پنجاب کے ریجنل صدور کا اعلان کردیا گیا ہے، جلد ہی سندھ اور خیبر پختونخوا کے لیے نئے تنظیمی عہدیداروں کا اعلان بھی کردیا جائے گا۔تحریک انصاف کے مرکزی ترجمان کا مزید کہنا تھا کہ تحریک انصاف مقبوضہ کشمیر میں بھارتی مظالم کی شدید مذمت کرتی ہے۔ کشمیریوں کو حق دیئے بغیر مسئلہ حل نہیں ہوگا، عالمی طاقتیں مسئلہ کشمیر کے حل کے لئے فوری اقدامات کریں اور کشمیریوں کوان کی مرضی کا فیصلہ کرنے دیں۔

Mostly cloudy

12°C

اسلام آباد

Mostly cloudy
Humidity: 59%
Wind: N at 11.27 km/h
Saturday 11°C / 20°C Partly cloudy
Sunday 12°C / 20°C Mostly sunny
Monday 12°C / 20°C Mostly sunny
Tuesday 12°C / 20°C Mostly sunny
Wednesday 12°C / 18°C Sunny
Thursday 11°C / 18°C Sunny
Friday 11°C / 17°C Sunny

تازہ ترین خبریں

کالم / بلاگ