ہیڈلائنز


شہید پائلٹ مریم مختار پر بننے والی فلم کی پہلی جھلک

Written by | روزنامہ بشارت

اسلام آباد: پاک فضائیہ کی پہلی خاتون پائلٹ شہید مریم مختار پر بننے والی مختصر فلم کی شوٹنگ جاری ہے۔ مرکزی کردار ادا کرنے والی اداکارہ صنم بلوچ کی پہلی تصویر منظر عام پر آگئی۔

فلم پاک فضائیہ کی پہلی خاتون پائلٹ مریم مختار کو خراج عقیدت پیش کرنے کے لیے بنائی جارہی ہے جو 2014 میں تربیتی پرواز کے دوران طیارہ گرنے کے باعث شہید ہوگئیں تھی۔

MARYAM POST 1

تصویر میں صنم بلوچ پاک فضائیہ کا یونیفارم پہنے نظر آرہی ہیں۔

فلم نامور ہدایت کار سرمد کھوسٹ کی ہدایت کاری میں بنے گی جبکہ ڈرامے کی مصنف عمیرہ احمد ہیں جو اس سے قبل ’شہر ذات‘ ڈرامہ بھی لکھ چکی ہیں۔

فلم میں مرکزی کردار مارننگ شوز کی میزبان اور اداکارہ صنم بلوچ ادا کر رہی ہیں۔

sanam-post-2

صنم بلوچ مختلف پاکستانی چینلز سے نشر ہونے والے ڈراموں ’داستان‘، ’کنکر‘ اور ’درشہوار‘ میں اپنی منفرد اداکاری کے جوہر دکھا چکی ہیں اور آج کل اے آر وائی نیوز کے مارننگ شو ’دی مارننگ شو‘ کی میزبانی کے فرائض انجام دے رہی ہیں۔

صنم بلوچ کی بہن سبرین حسبانی بھی اداکارہ ہیں اور مختلف سندھی اور اردو ڈراموں میں اداکاری کے جوہر دکھا چکی ہیں۔ صنم بلوچ کا ڈرامہ ’کنکر‘ بھارتی چینل ’زندگی‘ پر بھی نشر کیا جا چکا ہے جسے مشہور بالی وڈ اداکارہ ودیا بالن نے بھی دیکھا اور اسے پسند کیا۔

Partly cloudy

12°C

اسلام آباد

Partly cloudy
Humidity: 57%
Wind: NNW at 11.27 km/h
Sunday 11°C / 20°C Mostly sunny
Monday 11°C / 20°C Sunny
Tuesday 13°C / 18°C Partly cloudy
Wednesday 11°C / 20°C Sunny
Thursday 10°C / 20°C Sunny
Friday 11°C / 17°C Sunny
Saturday 12°C / 17°C Sunny

تازہ ترین خبریں

کالم / بلاگ