ہیڈلائنز


کشمیر انتخابات میں دھاندلی ہوئی تو وزیراعظم 2014ء کا دھرنا بھول جائیں گے، بلاول بھٹو

Written by | روزنامہ بشارت

اسلام آباد: پیپلزپارٹی کے چیئرمین بلاول بھٹو زرداری کا کہنا ہے کہ آزاد کشمیر انتخابات میں تشدد کا منصوبہ بنایا گیا ہے اور اگر دھاندلی اور خون خرابے کی کوشش کی گئی تو وزیراعظم 2014 کا دھرنا بھول جائیں گے۔ اسلام آباد میں پریس کانفرنس کرتے ہوئے بلاول بھٹو زرداری کاکہنا تھا کہ تعلیم اور روز گار کے مواقع سے کسی بھی حکومت کی کارکردگی جانچی جاتی ہے، آزاد کشمیر میں پیپلزپارٹی اور مسلم لیگ (ن) کی کارکردگی دیکھ لیں، اگر ہمیں آزادانہ اور برابری کا ماحول فراہم کیا گیا تو ہم الیکشن جیت کر دکھائیں گے تاہم انتخابات میں تشدد کا منصوبہ بنایا گیا ہے اور اگر دھاندلی اور خون خرابے کی کوشش کی گئی تو وزیراعظم 2014 کا دھرنا بھول جائیں گے۔ انہوں نے کہا کہ آزاد کشمیر کے الیکشن میں(ن)لیگ کے پاس دھاندلی کے علاوہ کوئی چارہ نہیں، نواز شریف کے خلاف عمران خان کی حمایت کرتاہوں لیکن غیر آئینی اقدام پر عمران خان کے موقف کی مخالفت کرتاہوں۔ چیئرمین پیپلزپارٹی کا کہنا تھا کہ شہیدبی بی کوکرپٹ کہنے والے تخت رائیونڈ والے معصوم ہوگئے، مفاہمت کی پالیسی میری پالیسی نہیں محترمہ بےنظیرکی پالیسی تھی اس لئے ہماری مصالحت کی پالیسی ساری سیاسی جماعتوں کے لئے ہے، مصالحتی پالیسی صرف (ن)لیگ کے لئے ہی نہیں اپوزیشن جماعتوں کے لئے بھی ہے۔ ان کا کہنا تھا کہ پاناما لیکس میں وزیراعظم نوازشریف کا نام آنا باعث شرمندگی ہے جب کہ وزیراعظم نے ایوان میں کہا تھا کہ سب سے پہلےمیرااحتساب ہوگا لیکن 3 ماہ گزرنے کے باوجود اب تک کچھ نہیں ہوا۔ مقبوضہ کشمیر پر حکومت کی پالیسی کو تنقید کا نشانہ بناتے ہوئے بلاول بھٹو زرداری کا کہنا تھا کہ کشمیر پر حکومت کی کوئی خارجہ پالیسی نہیں، آپ صرف کاروبار کا سوچتے ہیں عوام کا نہیں جب کہ وزیر خزانہ مارکیٹنگ کرتے ہوئے عوام کو مشورہ دیتے ہیں کہ دال مہنگی ہے تو مرغی کھائیں۔

Sunny

29°C

اسلام آباد

Sunny
Humidity: 26%
Wind: WNW at 11.27 km/h
Thursday 21°C / 29°C Sunny
Friday 21°C / 29°C Sunny
Saturday 21°C / 28°C Sunny
Sunday 20°C / 28°C Mostly sunny
Monday 18°C / 26°C Mostly sunny
Tuesday 18°C / 25°C Sunny
Wednesday 21°C / 27°C Sunny

تازہ ترین خبریں

کالم / بلاگ