ہیڈلائنز


یکم اگست سے پیٹرولیم مصنوعات کی قیمتوں میں 3 روپے تک کمی کا امکان

Written by | روزنامہ بشارت

اسلام آباد: عالمی مارکیٹ میں خام تیل کی قیمتوں میں کمی کے پیش نظر ملک میں آئندہ ماہ پیٹرولیم مصنوعات کی قیمتوں میں 3 روپے فی لیٹر کی کمی کا امکان ہے۔   وزارت پیٹرولیم کے ذرائع کے مطابق یکم اگست سے پیٹرول  ایک روپیہ 30 پیسے، ہائی اسپیڈ ڈیزل ایک روپیہ 10 پیسے ، لائٹ اسپیڈ ڈیزل 2 روپے 50 پیسے، ہائی اوکٹین 3 روپے فی لیٹر اور مٹی کا تیل ایک روپیہ 20 پیسے فی لیٹر سستا ہونے کا امکان ہے۔ پیٹرولیم مصنوعات کی قیمتوں میں کمی کی سمری 30 جولائی کو وزارت خزانہ کو بھجوا دی جائے گی جہاں سے منظوری کے بعد یکم اگست سے نئی قیمتوں کا اطلاق ہوجائے گا۔ اوگرا نے گزشتہ 3 ماہ سے  پیٹرولیم مصنوعات کی قیمتوں میں اضافے کی سمری بھجوائی تھی تاہم اسے مسترد کردیا گیا تھا۔ اس لئے اس بات کا بھی امکان ظاہر کیا جارہا ہے کہ پیٹرولیم مصنوعات کی موجودہ قیمتیں رواں ماہ بھی برقرار رکھی جائیں گی۔ واضح رہے کہ اوگرا ہر ماہ عالمی مارکیٹ اور ٹیکس کی شرح کو مدنظر رکھتے ہوئے پیٹرولیم مصنوعات میں رد و بدل کی سمری وزارت پیٹرولیم کو بھجواتی ہے جہاں سے یہ سمری وزارت خزانہ کو ارسال کردی جاتی ہے جو وزیر اعظم کی حتمی منظوری کے بعد نئی قیمتوں کا اعلان کرتی ہے۔

Clear

8°C

اسلام آباد

Clear
Humidity: 71%
Wind: E at 6.44 km/h
Wednesday 8°C / 14°C Sunny
Thursday 7°C / 14°C Sunny
Friday 9°C / 15°C Sunny
Saturday 10°C / 16°C Mostly sunny
Sunday 9°C / 17°C Sunny
Monday 11°C / 15°C Partly cloudy
Tuesday 9°C / 15°C Mostly sunny

تازہ ترین خبریں

کالم / بلاگ