ہیڈلائنز


ترکی مں ناکام فوجی بغاوت سے سب کو سبق سیکھنا چاہیئے، وزیراعظم نوازشریف

Written by | روزنامہ بشارت

لاہور: وزیراعظم نواز شریف نے ترکی میں فوجی بغاوت کی کوشش کی سختی سے مذمت کرتے ہوئے کہا کہ ہم ترکی کی جمہوری حکومت کے ساتھ کھڑے ہیں۔ وزیراعظم کے معاون خصوصی طارق فاطمی نے ترک وزیر خارجہ سے رابطہ کیا اور انھیں کہا کہ وزیراعظم نواز شریف نے ترکی میں فوج کے ایک چھوٹے سے گروپ کی جانب سے حکومت کا تختہ الٹنے کی کوشش کی شدید الفاظ میں مذمت کی ہے۔ ان کا کہنا تھا کہ حکومت پاکستان اور عوام ترکی کی جمہوری حکومت کے ساتھ کھڑی ہے، امید ہے کہ ترک حکومت جلد ہی حالات پر قابو پا لے گی۔ وزیر خارجہ خواجہ آصف کا اپنے بیان میں کہنا تھا کہ جس طرح ترک عوام نے فوجی بغاوت کی کوشش کو ناکام بنایا انھیں سلام پیش کرتا ہوں، دوسروں کو بھی اس سے سبق سیکھنا چاہیئے۔ دوسری جانب امیر جماعت اسلامی سراج الحق نے بھی ترکی میں فوجی بغاوت کی شدید الفاظ میں مذمت کرتے ہوئے کہا کہ ترکی کی عوام نے جس بہادری اور ہمت کا مظاہرہ کیا اس کی مثال نہیں ملتی۔ ترک وزیر خارنہ نے حکومت پاکستان کی جانب سے فوجی بغاوت کی کوشش کرتے ہوئے کہا کہ ہمیں اپنے قریبی دوست ملک سے مشکل کی اس گھڑی میں ایسے ہی بیان کی توقع تھی۔

Cloudy

18°C

اسلام آباد

Cloudy
Humidity: 64%
Wind: WNW at 11.27 km/h
Saturday 11°C / 13°C Scattered showers
Sunday 10°C / 17°C Partly cloudy
Monday 13°C / 21°C Cloudy
Tuesday 15°C / 21°C Partly cloudy
Wednesday 13°C / 21°C Mostly cloudy
Thursday 12°C / 19°C Rain
Friday 10°C / 17°C Partly cloudy

تازہ ترین خبریں

کالم / بلاگ