ہیڈلائنز


پاناما لیکس، اپوزیشن کو مذاکرات کی میز پر لانے کا ٹاسک اسحاق ڈار کے سپرد

Written by | روزنامہ بشارت

اسلام آباد:  وزیراعظم نواز شریف نے وزیر خزانہ اسحق ڈار کو ٹی او آرز کے معاملے پر اپوزیشن کو مذاکرات کی میز پر لانے کا ٹاسک دیدیا ہے۔ تفصیلات کے مطابق وزیر اعظم نے اپوزیشن جماعتوں کو مذاکرات کی میز پر لانے کا ٹاسک اسحق ڈارکو دیا ہے جس میں مسلم لیگ کے سنئیر رہنما راجا ظفر الحق، وزیر اطلاعات پرویز رشید اور قومی اسمبلی میں مسلم لیگ(ن) کے چیف وہیپ شیخ آفتاب ان کی معاونت کرینگے۔ اپوزیشن سے مذاکرات میں مرکزی نقطہ مجوزہ تحقیقاتی کمیشن کے قیام کیلیے ٹی اوآرز کی تیاری ہی ہوگا اور فریقین وہیںسے بات چیت شروع کرینگے جہاں سے جون کے وسط میں ختم ہوئی تھی۔ قبل ازیں دونوں بڑی اپوزیشن جماعتیں پیپلز پارٹی اور تحریک انصاف پانامالیکس پر پارلیمانی کمیٹی کا بائیکاٹ کر چکے ہیں اور انھوں نے مسلم لیگ(ن) کی طرف سے شریف خاندان کو تحفظ دینے کی کوششوںکیخلاف سڑکوں پر احتجاج کی دھمکی بھی دے رکھی ہے۔ وزیر اعظم کی طرف سے اپوزیشن جماعتوں سے رابطوں کی ہدایت ملنے کے بعد اسحق ڈار نے اپوزیشن لیڈر خورشید شاہ اور تحریک انصاف کے وائس چئیرمین شاہ محمود قریشی سے رابطہ کرکے پارلیمانی کمیٹی کے اجلاس میں شرکت کی درخواست کی ہے۔

Partly cloudy

8°C

اسلام آباد

Partly cloudy
Humidity: 61%
Wind: NNW at 17.70 km/h
Saturday 5°C / 14°C Sunny
Sunday 8°C / 16°C Partly cloudy
Monday 10°C / 19°C Partly cloudy
Tuesday 11°C / 19°C Sunny
Wednesday 11°C / 18°C Sunny
Thursday 10°C / 17°C Sunny
Friday 10°C / 18°C Sunny

تازہ ترین خبریں

کالم / بلاگ