ہیڈلائنز


اگلے دو روز میں دوبارہ مون سون بارشیں ہونے کا امکان ہے،محکمہ موسمیات

Written by | روزنامہ بشارت

اسلام آباد: محکمہ موسمیات نے اگلے دو روز کے دوران پنجاب، خیبرپختونخوا اور کشمیر کے اکثر علاقوں میں مون سون بارشوں کی پیشگوئی کی ہے جب کہ ملک کے بقیہ حصے میں موسم خشک رہے گا۔ محکمہ موسمیات کے مطابق آئندہ چوبیس گھنٹے میں پاکستان کے دارلحکومت اسلام آباد سمیت بالائی پنجاب کے شہروں راولپنڈی، گوجرانوالہ، لاہور، سرگودھا، فیصل آباد ڈویژن میں موسلا دھار بارش کے امکانات ہیں اسی طرح بالائی خیبرپختونخوا کے علاقوں مالاکنڈ، ہزارہ، پشاور، مردان، کوہاٹ ڈویژن میں اور کشمیر کے شہروں مظفرآباد، میرپور، پونچھ ڈویژن میں بھی اکثر مقامات پر گرج چمک کے ساتھ بارش کے امکانات ہیں۔ اسی طرح جنوبی پنجاب کے علاقوں ملتان، ساہیوال، ڈی جی خان، بہاولپورڈویژن سمیت بنوں، ڈی آئی خان، ژوب ڈویژن نیز فاٹا کی ایجینسیوں کُرم، باجوڑ، مہمند، خیبر، اورکزئی، شمالی اور جنوبی وزیرستان میں بھی تیز ہوا کے ساتھ بارش کا امکان ہے۔ دوسری جانب آج گلگت بلتستان میں کہیں کہیں تیز ہواؤں/آندھی اور گرج چمک کیساتھ بارش کے واضح امکانات موجود ہیں جب کہ چند علاقوں میں صرف موسلادھار بارش کا بھی امکان ہے۔کراچی میں‌ آج دن بھر ابرآلود موسم رہنے کا امکان ہے جب کہ کراچی کے چند مقامات پر ہلکی بوندا باندی کا بھی امکان ہے۔

Mostly sunny

11°C

اسلام آباد

Mostly sunny
Humidity: 60%
Wind: NW at 17.70 km/h
Saturday 5°C / 14°C Sunny
Sunday 7°C / 16°C Partly cloudy
Monday 10°C / 18°C Partly cloudy
Tuesday 13°C / 18°C Sunny
Wednesday 11°C / 18°C Sunny
Thursday 10°C / 17°C Sunny
Friday 10°C / 17°C Sunny

تازہ ترین خبریں

کالم / بلاگ