ہیڈلائنز


پاکستان اور بھارت کی محدود نیوکلیئر جنگ کا خطرہ، ہمیں روس کی طرف بڑھنا ہوگا: شیخ رشید

Written by | روزنامہ بشارت

اسلام آباد:  عوامی مسلم لیگ کے سربراہ شیخ رشید احمد نے کہا ہے کہ انڈیا امریکا کی جیب کی گھڑی اور ہاتھ کی چھڑی بن گیا ہے جس کی وجہ سے پاکستان کے لیے شدید خطرات دیکھ رہا ہوں پاکستان کے پاس آپشن کم ہیں اس لیے ہمیں اب روس کی طرف بڑھنا ہے۔ امریکی تھنک ٹینک کی رپورٹ ہے کہ پاکستان اور بھارت کی محدود نیوکلیئر جنگ ہو سکتی ہے اگر شکست دینی ہے تو اس قیمت پر سکوٹر بنائیں جس پر بھارت بنا رہا ہے۔
قومی اسمبلی میں اظہار خیال کرتے ہوئے شیخ رشید احمد کا کہنا تھا کہ بلوچستان میں ڈرٹی گیم انڈیا کر رہا ہے، بڈھ بیر سے انگور اڈا تک ہم فیصلہ ہی نہیں کر سکے کہ پالیسی کیا ہو گی ،کل بھوشن یادیو پردفتر خارجہ نے کتنے دنوں بعد بیان دیا یہی اگر انڈیا کے ہاتھ لگ جاتا تو وہ قیامت برپا کر دیتے لیکن یہاں تو ملا منصور کو نشانہ بنانے پر کوئی واضح بیان ہی سامنے نہیں آ سکا ہے ۔
انہوں نے کہا کہ معیشت مضبوط ہو گی تو خارجہ پالیسی بھی مضبوط ہو گی ۔جس کی جہاں صلاحیتیں ہیں وہیں استعمال کیا جائے سرتاج عزیز کی صلاحیتیں ورلڈ فوڈ پروگرام میں بہت زیادہ ہیں ۔ ہماری پالیسی ہے ڈالر دکھاؤ کام کراؤ اور اس ڈالر کی سیاست میں ہم نے بہت مار کھائی ، ہم گھنگرو پہن کے جس نے مال لگایا اس کے لیے ناچتے رہے۔

Clear

22°C

اسلام آباد

Clear
Humidity: 59%
Wind: NW at 11.27 km/h
Sunday 24°C / 30°C Sunny
Monday 24°C / 30°C Sunny
Tuesday 23°C / 31°C Sunny
Wednesday 23°C / 31°C Sunny
Thursday 26°C / 30°C Sunny
Friday 25°C / 30°C Sunny
Saturday 25°C / 29°C Sunny

تازہ ترین خبریں

کالم / بلاگ